V-Ixtt Potrachea Vachpi Boroitat

Vachpi Boriotat


Pri. Ubaldak Porbim
M. S; Halinch Pri. Ubaldo Fernandesan Liplolim/Sanddlolim Mannkam Motiam mhattalea khal ek pustika uzvaddailea, ti mhaka dhaddli mhonn hanv taka dhin’vaxi. V. Ixttar boroil’le he tache rosall ruchik lekh Te vachtam title pavtti anikui vachinuch distta. mhojeam natrank teo khobrô vachun hanv sangtam , tim-i vachtat. Supurlim boroupam khorim ponn khup ruchichim. Pri. Ubaldachim boroupam sodanch sadim sompim jivitak lagu zavpachim. Khorench tim mannkam motiam liplolim, to tim sodun kaddta ani amkam dita. Deva sorxim vhortat ani vachlea uprant “Shalom” monachi xanti mellta. Hea boroupamni Pri. Ubaldo dusreank poilo zago diunk xikoita, pixeponnantlean xanneponnak pavoita, ghetlolem dupett portem diun, borem jivit jiyeun, jivitant sogllem punzailolem hangach dovrun morunk xikoitat ponn morchea adim vachpi aponui mannkam motianch zatat. Kongeachem svong mon’xak xanneponnan jiyeunk xikoita. Devalagim ulounk ani magnnem korunk apoita. Monis mon’xak nakartat ponn Dev mon’xak vinchta. World Kopache fainalint Zinedine Zidane hanchi khobor kelea. Kitlo borea sobhavacho ani thondd toklecho khellgoddi to. Eke goddie bhitor taka ragacho zor choddta ani tokli marun Marco Materazzik zomnir apttita. Hoi futtbollacho kunvor eka khinna bhitor chiklant poddta. Varoulolem dudh portun bhorunk mellona. Mungllurchea 17 hokol-nhovreanchem logn jivitantleo pon’ttyeo pettoun kallzantli priti vanttunk apoita. Chak-chak porzollit choli Gitanjoli, zogzogtim nokhetram Rani Mukerjee ani Amitabh Bachchan “Black” cholchitrant porzolltat. Munnabhai (Sanjay Dutt) bondkhonnint ravun Dev apnnak rakhta mhonn Devak dhin’vasta. Devak ami vollkhonanv, ami doryant buddttanv tedna amkam dev zai. Pri. Ubaldo boroupant onnbhovlolem vhoddlem mannik. 1958 vorsa to Adari Sompadpi aslo Tachi likhnni bori dharechi. V. Ixttak 90 disanchi bondi ghali tedna khoddop koxem ubem ravun avhan dilem. Zoit V. Ixttachem zalem. Pri. Ubaldon anikui amkam liplolim sanddlolim mannkam motiam diunchim Pilar ietlom tedna bhettchem Pilarchea Faroh dadak sangun divior.

Domnic Lacerda..Utorda



Konknniche Romik Maneotai diunchi
M.S; Gõychi bhas Konknni Romi zanv Nagri loj uloita Konknni Rajbhas zaunchi mhunn Gõykar khub zhuzle ani xekim 1987 vorsa ‘Official Language Act’ lagu korun Devnagori Konknni Gõychi Rajbhas mhunn manun ghetli. Punn ‘Language Act’ pas kortana ‘sub-clause’ ghalo ani Moratti ji Konknni nhoi tika serkari vavrak vaprunk sotea dili. Hem koxem zaunchem? Tê suvater Romi lipintlean Konknni ghal'li zalear chodd borem aslem. Punn Konknnichi Romi lipi nakarun ani lipicho vegllochar korun sorkaran suttavo korunk zaina toslo proxn Gõykaram mukhar dovorla. Hakach lagon aiz lipicho vad cholta ani Gõykaram modem don monancho vegllochar (difference of opinion) zata. Zalear, Gõykarank doxim korunk konnem uzo lailo?

Ayres Sequeira, Salvador do Mundo



Xetamni kharonnim udok gheunchem nhoi
M.S; Amche modem thodde monis asat, te gimachea disamni nistem marunk zai mhonn manxechim daram ugddun nodichem kharem udok xetamni ghetat. Hem kortub borench vaitt. Oxem korun kharonnean lokachim xetam padd zatat ani pikavoll zaina. Hem monant dhorchem. Xetam vompinant tankam nistem posunk xetam bhaddeak ditat. Batim ganvant hea disamni oslo proxn uprasla, zaitea lokan virodh kela. Pavnni kortolea odhikareamni xetkareanche tras polleunche, kharonneant biddoilolim xetank pik zaina, mhonntoch lokak khup luskonn zata. Oxench zaitea ganvamni ghoddta. Odhikareamni apnnak podvi asa mhonn apnnak zai toxem korunk favona, soglleanchem boreponn pollevnk zai. Apnnak borem takach borem kelear upkarona. Somazachea boreak poddtoleo ievzonno fuddem vhorunk favo.

Joaquim Rebello, Ponnje



Pilar nakear‘island’ gorjechem
M.S; Kitlech pavtti kitlea zannamni Pilarchea tiskear `island’ vo ek ‘circle’ bandpachi goroz mhonn suchoilam, punn azun porian konnench kanar dhorunk na. St. Andrechea Motdarsonghachea adlea amdarak porian sanglolem asa, punn kiteakuch upkarunk na. Atancho tornnato Amdar Francisco Silveira tori hi suchovnni mandun gheit zalear borem asa. Tacheanuch hem kam’ korun dakoum ieta. Na tor tem kam’ kednach zaitxem na. Zaite pavtti tea zagear obsoeg zaleat. Ek pavtt Nuvemcho ek tornnato mornnak sampoddla. Disandis ttrefik vaddot asa. Dusrem mhonnlear, thoimsor bos-stendd tharavpak zai. Tisrem, Agxe bazarant motoram, motor-saikoli rostear dovrun lok bazarant zaum posreancher vetat, tem-i mona korunk zai. Hem kam’ Francis Silveira babacheanuch korunk zatolem mhonn somzotat. Treffik cholonk thoim chodd kottin zata. Osleo somazacheo oddchonneo hea kallar rokddeoch suttaveo kelear borem.

Patrick Fernandes, Ponnje


Elvis bab boro karbhari
M.S; Gõyant zaite sorkari odhikari ani karbhari yeun gele.Hantle choddxe Gõyam bhaile, zalear bhov thodde Gõykar asle. Fattlea 20 vorsanchea kallant zaite Gõykar unchlea ud’dean-cher nemle, hem pollevn zaitea Gõykarank borem dislem. Hea odhikaream modem Elvis Gomes Gõychea Turizm Khatea-cho ani Turizm Vikas Mha-mondollacho Direktor asa. To aplea kamak poilo- voilo zago dita. To ek adorx ani promannik, vellachem mhotv samballpi. Aplea vavraddeank koxe vagounche ani aple koche-rintlem kam’ koxem korun gheunchem tem bes-borem taka somzota. Gõy-chea daizachem mhotv to rakhunk vavurta. Gõychi sonvskrutik porompora samballun Gõy bhailea desamni fanki korunk tachem mon. Turizmacho prochar korunk to vavurta. Gõychea Sorkari Khateamni oslea odhikareanchi goroz.

Alvaro Gomes,
Ban’navle.

Vachpi Boroitat

Mha Gonvlli-Bapacho Sondex
M.S; Agostache 17ver Niti ani Xanti khatir amchea Mha Gonvlli-Bapan dil’lo sondex justuch vellar amkam vachunk mell’lo. Osle sondex V.Ixtt-ar dilear Gõychea toxench bhailea-i chodd lokak vachunk mellta. V.Ixtt hem satollem Pilar thavn uzvadda ieta mhonn tem Pilarchench oxem chintunk favona. Tem potr Gõyche Arkidiosezintlem Katolk potr, tacher zaiteô Katolk khobrô ietat, jeo amkam dusrea disalleancher mellonant. Konknni vachtoleam khatir amchea Mha Gonvlli-Bap Filipe Neri Ferrao-n aplo sondex dita tednam Konknnintuch boroun V.Ixtt potrar dilear chodd borem zatolem. Hi amchi vinonti tumi tanche mukhar manddchi. Tachi Gonvlliki Chitt Pastoral Letter don-ui bhasamni vachun mell’li mhunn tankam ami upkari. Osli xikovnn vachun amchi axa. Tumkam-i xabaski.
Fatima Fernandes,
Narva

Purtugez kaide bhaxantor korche
M.S; Fattle pavtti V.Ixtt-acher V. Mirandan boroun Purtugez kaide Konknnin-tlean ani Inglezintlean bhaxantor korche mhunn suchoilam te suchovnnek mhozo tenko. Khorench loka-chea bhattanche ani ghoranche kaide Purtu-gezin aslolean atan-chea lokak ani advogadank porian kottin zata. Dekhun amchea sorkaran hacher lokx ghalunk zai ani te kaide bhaxantor korunk upai gheunkuch zai. Dusri gozal mhonnlear, Registo Civilan vo Sub Registrar Ofisantle daklleanchim pustokam sarkim pinzun geleant ani lokachim zolmachim zaum mornnachim sertidanvam kaddtolo zalear borench kottin zata. Odhikari lokak aiz ie, faleam ie kortat. Tea bhair pustokanchi manddavoll sarki na oxem mhonnlear fott zaunchi na. Hacher-ui Mukhel Montri Kamat baban fikir ghetlear borem. Gõyant Purtugez zanno aslole adle Advogad ani Zuiz-ui asat tannim hem kam’ kelear tancho vavr ek monument koso urtolo.
Sebastiao Vaz,
Goa Velha.

Bharotan Bindra sarke anik-ui ‘shooter’ toyar korche
M.S; Abhinav Bindra Beijing xarantlea Olympik khellant boroch porzoll’lo ani Bharotak tannem Bhangrachi Medal zoddun ghetli mhunn Bharot des khoxal zalo. Sorkar kitlo murgottlo, Raxttrpoti Xmti. Pratibha Patel xamaim natvak poxeta te porim Bindra babak opurbayen vengoilo ani poxelo tem soglleamni pollelem. Itlench kelear puro zaina. Ekleanuch ekuch pavtt bhangra medal ghevn nanv zoddlem ani magir dusri Olympik zaisor jhemen bhormeunk upkarona. Atam thavn Abhinav Bindra porim anik-ui khellgoddi Bharotan toyar korche. Tankam favo tem ut’tejon diunchem. Jevnna-khannachi pora-mos korchi. Tednach desak bore mozbut khellgoddi melltole.
Anthony Fernandes,
Kuddka.

Bosi-mandd ibadd zaleat
M.S; Gõyant zaitea svatancher bosi-mandd sarkech ibadd zaleat ani bosi manddavelean bhair sortana doriant lharancher halta-dholta koxem dista. Ponnjecho bosi-manddar khonni poddleat ani udok bhorta. Kadamba Mha-mondollan hacher lokx ghalunk zai. Durusti kortana promannikponnan kam’ korunk gorjechem. Pro-mannikponn naslear khoinchich vost sarki zaitxi na. Ani zali-i zalear ti togpachi na. Adlea kallar amchea Kunnbi ani Gauddi somazachea vavraddeamni kel’lo vavr ani bandavolleo azun tanchea koxttamni kel’lea vavrachi govai ditat. Ho lok tednam duddvanche axek nhoi, punn aplea vavrachea vhoddponna ani obhimana khatir kortale. Oslem jivit atanchea vavraddeam modem disti poddona. Dusreacho vavr kortat to togpa sarko zaunk zai. Hem korunk promannikponn aspachi goroz. Atancho vavr aiz kelo faleam ibadd zalo. Bandkamam choltat, kitlo belos cholta, favo toslo ‘material’ vaprinant, favo titlea mapan vostu ghalinant. Odhikareamni hem polleupachem.
Luis Fernandes,
Karambole.

Tumchea borovpeank xabaski
M.S; V.Ixtt potracher adinch thavn zannvayeche ani bore borovpi aplim borovpam boroun amkam zaiti zannvai ditat mhonn ami tankam xabaski diunk favoch. Tomazinho Cardoz, Felix Cruz, Bonaventure D’Pietro, Nevel Gracias, Ave Maria, Almir de Souza ani Pio Esteves hanchim borovpam amkam bhovch bore lagtat. Tanchim boroupam ruchik ani zannvai ditat toslim astat. Punn zaito temp zalo Pri. Almir de Souza-n aplim borovpam kiteak bond keleant? To Gõyant na? Tannem lhan-lhan kitlinch pustokam chhapun amkam dileant, tor atam tachim borovpam Ixtt potracher kiteak ienant, tim vachunk mellonant ani kitem unnem zal’le porim amkam dista. Adle amche fanki borovpi Pri. Moren de Souza, Pri. Antonio Pereira, Pri. Antonio Souza ani Pri. Nicolau Pereira babdde sorle ani amkam vachpeank durboll korun gele. Dr. Bicaji Ganecar asa tannem voizki mollar boroilear khup faideachem zata. Borovpi asat tannim ani novea borovpeamni fuddem sorun Konknnint borovnk xikchem mhunn magnni.
Noel de Souza,
Aldona.

Gõycho sorkar halta ki haloitat?
M.S; Gõycho sorkar halta-dholta ki haloitat- dholoitat mhunn hea disamni khobro choltat. Khorem fott tem mhaka khobor na. Punn jem kitem rup amkam disun ieta tache pormannem dubav koso lagta. Panch vorsancho kall tor bhoromsor sorkar sodrer dovrunk zaina zalear amchem anik vhoddponn koslem? Zal’lea panch vorsank oslich got amchea rajkoronnant cholta; lok atam vittela. Hem fokot zata tem girestkayek lagun. Amche amdar ani montri fokot girst zaunk axetat, tankam porjechi seva lagona. Zo monis lokachi seva korta to tankam naka zata, promannikponnan choltole monis aslear heram amdarank ani montreank addkholl zata. Dekhun borea mon’xank kaddun uddovpak nettan choltat. Gõyant veta thoim bhroxttachar disti poddta. Je meren bhroxttachar ani girestkayechi axa vosta te meren nagrikank bore-ponn melloxem na.
J. Mascarenhas,
Kudd’ttore.

Rosto ibaddla
M. S; Fatordda thavn Moddganv vetolo rosto boroch ibadd zala ani khonnkullam poddleant. Lagu zatolea odhika-reamni bhov korun Bhovxik Bandkam’ Khatean vavr choltana zababdaren polleunchem.
Lucas Dias,
Fatorda

Devnogri lekh konn vachta?

Vachpi Boroitat

Rosteancher 85% obsoeg vaddleat
M.S; Gõyant hea vorsa rosteancher zaleat team obsoegam modem 85% obsoeg vegan choloitat taka lagun zaleat mhonn sangtat. Rosteancher tor pulis asta, torui astana amche tornnate apleo motor-saikoleo ani motoram chodd rosten choloitat, rostear konn cholun vetoleachi te porva korinant. Raxttrik margancher nettan choloitat toxem voltancher pavtoch kitem kortat mhonn tankanch khobor asona. Rostin gaddio choloitoleancher pulisen chotrai dhorunk chodd goroz asa. Ttrefikeche kaide nokot tankam cholovpachem lisens divnk favona. Zaite pavtti kumparponnam korun cholovpachim lisensam ghetat ani magir lhan bhurge porian motoram choloitat. Zalear obsoeg zainastana koxe urtole?
Edward Fernandes, Mhapxem.

Zimbabwentlea loka vixim kalliz oddta
M.S; V.Ixtt-achea fatllea ankachea poilea panar tumi Zimbabwechea desantlo durboll lok jevonn na zavn sukem xenn aplea jevnnant misoll korun khata tem aikun kalliz amchem churchurlem. Osli poristhiti Saiba dusmanank legun nirmum naka mhonn tonddantlim utram bhair sorlim. Amche dolle pavtat, punn hat pavonant. Devanuch tanchi doya korchi. Caritas Sonvsthek amche dhin’vas. Hi sonvstha Gõyant-ui zaito moladik vavr korta to ami pollela. Pri. Valerian Vaz-achea fuddariponna khal Gõyant hi sonvstha somajik vavr Pornneam Gõyant Kendrant choloita. Zimbabwechea Raxttrpotiche ani her fuddareanche dolle ugte zavn lokachi konixttai pois korunk vavurlear puro. Ekvottit Raxttramni tancher upai ghevnk Devan nirmichem mhonn amchi vinonti.
Maria Fernandes, Navele

Freddy Barbozak xrod’dhanjoli
M.S; Mungllurcho Charles Freddy Barboza Konknni Tiatr machievelo gavpi ani kolakar Dezembrache 28ver Mumboi ontorlo. Taka tiatrachea mollar Freddy Barboza nanvan vollkhotale. Tachea mornnan Konknni machiek ani tachea ixttank vhodd dukh zalem. Raia ganvchea Benedicta Fernandesa kodde kazar zal’lo. Tannem 1955 vorsa 10 Konknni tiatr borovn Mumbointlea mukhel tiatrachea ghoramni machier haddleat. ‘All India Radio’-cher to Konknni kantaram gaitalo. Toxench tannem Jacinto Vaz, Prem Kumar, C. Alvares hanchea tiatramni bhumika keleat. Poilech pavtt 1960 vorsa `Fuddar’ tiatr Gõyant dakoilo. ‘Amchem Noxib,’ ‘Nirmonn,’ ‘Boglantt’ toxench don telefilmamni ‘Faxi Mogachi’ ani ‘Suttka’ hantum tannem kolevont bhumika keleat. Tache vorvim khup tornnate Gulfa desamni nokreank pavleat. Devan Freddyk sorgar sasnnachem sukh favo korum.
Alfonso Bond Braganza, Mhapxem.

Devnogri lekh konn vachta?
M.S; Fattlea don ankancher devnogrint boroil’le lekh tumi ‘V.Ixtt’-acher uzvaddaileat, te mhoje sarkea devnagri zanno aslole vachtole, punn kitle zann asat tem mat sangunk hanv xokonam. Hanvem tumkam fon kelo tednam Bradar Mirandan mhaka zap dili, tednam hanvem taka hoch proxn vicharlo, Tannem mhaka sanglem atam iskolamni bhurgim devnagri xiktat ani tim devnagrintlean borim vachtat. Hem sangtana tannench fuddem mhonnlem: Atanchim bhurgim iskolant devnagri xiktat, punn uprant tim devnagri kitlixi vachtat tem sangunk matr dubavachem. Khorench, amcheach ghorant hanvem bhurgeank ‘V.Ixtt’-acher ailolo lekh vach mhonn sanglem tednam tannim potr ghetlem ani ek-don laini vachun potr mezar uddovn gelim. Hantum kitem mhonnchem? Potracho zago ibadd. Eka vellar ‘V. Ixtt’-an devnagrint lekh uzvaddail’le mhonnpak matr upkarot. Toch lekh Romint boroilear chodd vachpi vachtole asle. ‘V.Ixtt’ potr chodd zannto lok vachta mhonn monant dhorchem.
Caetano Mascarenhas, Aldona.

Boballa add satollem
Gõyche Mumboi Unchle Nitisobhechea margdorxona pormannem Ut’tor Gõyant `Noise Pollution’ Somiti ghoddun haddlole Nagrik Somiticho hanv vangddi. Kalangutt-Baga dorya kinarevelea vattarant songitacho boball zata mhonn odhikareank kolloilem, punn odhikareamni aple kan bhere kele. Pulisek tokrar keloleachem ghor kaim tovnaxeamni fatrailem. Hanv azun-ui hea boballachea produxonna (pollution) add zhuztam, punn koslench boreponn mellunk na.
Floriano Lobo, Moira

Gõycho sorkar halta ki haloitat?

Vachpi Boroitat

Mha Gonvlli-Bapacho Sondex
M.S; Agostache 17ver Niti ani Xanti khatir amchea Mha Gonvlli-Bapan dil’lo sondex justuch vellar amkam vachunk mell’lo. Osle sondex V.Ixtt-ar dilear Gõychea toxench bhailea-i chodd lokak vachunk mellta. V.Ixtt hem satollem Pilar thavn uzvadda ieta mhonn tem Pilarchench oxem chintunk favona. Tem potr Gõyche Arkidiosezintlem Katolk potr, tacher zaiteô Katolk khobrô ietat, jeo amkam dusrea disalleancher mellonant. Konknni vachtoleam khatir amchea Mha Gonvlli-Bap Filipe Neri Ferrao-n aplo sondex dita tednam Konknnintuch boroun V.Ixtt potrar dilear chodd borem zatolem. Hi amchi vinonti tumi tanche mukhar manddchi. Tachi Gonvlliki Chitt Pastoral Letter don-ui bhasamni vachun mell’li mhunn tankam ami upkari. Osli xikovnn vachun amchi axa. Tumkam-i xabaski.
Fatima Fernandes,
Narva

Purtugez kaide bhaxantor korche
M.S; Fattle pavtti V.Ixtt-acher V. Mirandan boroun Purtugez kaide Konknnin-tlean ani Inglezintlean bhaxantor korche mhunn suchoilam te suchovnnek mhozo tenko. Khorench loka-chea bhattanche ani ghoranche kaide Purtu-gezin aslolean atan-chea lokak ani advogadank porian kottin zata. Dekhun amchea sorkaran hacher lokx ghalunk zai ani te kaide bhaxantor korunk upai gheunkuch zai. Dusri gozal mhonnlear, Registo Civilan vo Sub Registrar Ofisantle daklleanchim pustokam sarkim pinzun geleant ani lokachim zolmachim zaum mornnachim sertidanvam kaddtolo zalear borench kottin zata. Odhikari lokak aiz ie, faleam ie kortat. Tea bhair pustokanchi manddavoll sarki na oxem mhonnlear fott zaunchi na. Hacher-ui Mukhel Montri Kamat baban fikir ghetlear borem. Gõyant Purtugez zanno aslole adle Advogad ani Zuiz-ui asat tannim hem kam’ kelear tancho vavr ek monument koso urtolo.
Sebastiao Vaz,
Goa Velha.

Bharotan Bindra sarke anik-ui ‘shooter’ toyar korche
M.S; Abhinav Bindra Beijing xarantlea Olympik khellant boroch porzoll’lo ani Bharotak tannem Bhangrachi Medal zoddun ghetli mhunn Bharot des khoxal zalo. Sorkar kitlo murgottlo, Raxttrpoti Xmti. Pratibha Patel xamaim natvak poxeta te porim Bindra babak opurbayen vengoilo ani poxelo tem soglleamni pollelem. Itlench kelear puro zaina. Ekleanuch ekuch pavtt bhangra medal ghevn nanv zoddlem ani magir dusri Olympik zaisor jhemen bhormeunk upkarona. Atam thavn Abhinav Bindra porim anik-ui khellgoddi Bharotan toyar korche. Tankam favo tem ut’tejon diunchem. Jevnna-khannachi pora-mos korchi. Tednach desak bore mozbut khellgoddi melltole.
Anthony Fernandes,
Kuddka.

Bosi-mandd ibadd zaleat
M.S; Gõyant zaitea svatancher bosi-mandd sarkech ibadd zaleat ani bosi manddavelean bhair sortana doriant lharancher halta-dholta koxem dista. Ponnjecho bosi-manddar khonni poddleat ani udok bhorta. Kadamba Mha-mondollan hacher lokx ghalunk zai. Durusti kortana promannikponnan kam’ korunk gorjechem. Pro-mannikponn naslear khoinchich vost sarki zaitxi na. Ani zali-i zalear ti togpachi na. Adlea kallar amchea Kunnbi ani Gauddi somazachea vavraddeamni kel’lo vavr ani bandavolleo azun tanchea koxttamni kel’lea vavrachi govai ditat. Ho lok tednam duddvanche axek nhoi, punn aplea vavrachea vhoddponna ani obhimana khatir kortale. Oslem jivit atanchea vavraddeam modem disti poddona. Dusreacho vavr kortat to togpa sarko zaunk zai. Hem korunk promannikponn aspachi goroz. Atancho vavr aiz kelo faleam ibadd zalo. Bandkamam choltat, kitlo belos cholta, favo toslo ‘material’ vaprinant, favo titlea mapan vostu ghalinant. Odhikareamni hem polleupachem.
Luis Fernandes,
Karambole.

Tumchea borovpeank xabaski
M.S; V.Ixtt potracher adinch thavn zannvayeche ani bore borovpi aplim borovpam boroun amkam zaiti zannvai ditat mhonn ami tankam xabaski diunk favoch. Tomazinho Cardoz, Felix Cruz, Bonaventure D’Pietro, Nevel Gracias, Ave Maria, Almir de Souza ani Pio Esteves hanchim borovpam amkam bhovch bore lagtat. Tanchim boroupam ruchik ani zannvai ditat toslim astat. Punn zaito temp zalo Pri. Almir de Souza-n aplim borovpam kiteak bond keleant? To Gõyant na? Tannem lhan-lhan kitlinch pustokam chhapun amkam dileant, tor atam tachim borovpam Ixtt potracher kiteak ienant, tim vachunk mellonant ani kitem unnem zal’le porim amkam dista. Adle amche fanki borovpi Pri. Moren de Souza, Pri. Antonio Pereira, Pri. Antonio Souza ani Pri. Nicolau Pereira babdde sorle ani amkam vachpeank durboll korun gele. Dr. Bicaji Ganecar asa tannem voizki mollar boroilear khup faideachem zata. Borovpi asat tannim ani novea borovpeamni fuddem sorun Konknnint borovnk xikchem mhunn magnni.
Noel de Souza,
Aldona.

Gõycho sorkar halta ki haloitat?
M.S; Gõycho sorkar halta-dholta ki haloitat- dholoitat mhunn hea disamni khobro choltat. Khorem fott tem mhaka khobor na. Punn jem kitem rup amkam disun ieta tache pormannem dubav koso lagta. Panch vorsancho kall tor bhoromsor sorkar sodrer dovrunk zaina zalear amchem anik vhoddponn koslem? Zal’lea panch vorsank oslich got amchea rajkoronnant cholta; lok atam vittela. Hem fokot zata tem girestkayek lagun. Amche amdar ani montri fokot girst zaunk axetat, tankam porjechi seva lagona. Zo monis lokachi seva korta to tankam naka zata, promannikponnan choltole monis aslear heram amdarank ani montreank addkholl zata. Dekhun borea mon’xank kaddun uddovpak nettan choltat. Gõyant veta thoim bhroxttachar disti poddta. Je meren bhroxttachar ani girestkayechi axa vosta te meren nagrikank bore-ponn melloxem na.
J. Mascarenhas,
Kudd’ttore.

Rosto ibaddla
M. S; Fatordda thavn Moddganv vetolo rosto boroch ibadd zala ani khonnkullam poddleant. Lagu zatolea odhika-reamni bhov korun Bhovxik Bandkam’ Khatean vavr choltana zababdaren polleunchem.
Lucas Dias,
Fatorda

Mistirink Vhodd Man Favo

Vachpi Boroitat

Orissantlea Kristanvanche churchure
M. S; Fattlea satolleacho V.Ixtt mhaka mell’lo ani Orissachi khobor vachun mhaka borich dukh bhogli. Kendr Sorkar amcho kitem korta kai? Prodhan Montreak xokti naslole porim dista. BJP, VHP, RSS ani Bajrang Dal hea dhormvadeamni ani mullvadeamni desachem padd ghalem tanchea vaitt ani noxtteam kortubank lagun Bharot motte lojek sampoddlo. Tanche fuddari Kristanvanchea iskolamni ani kolejimni xikleat ani aplea bhurgeank legit xikoileat torui astana te Kristanvancher itle onupkari zaunk pavle. Gorib Hindu lokak he dhormvadi chepun dovortat ani aplim gulamam kortat tem tankam korunk addkholleo haddtat dekhun Kristanvanchi tankam nosai zata. Oslea noxtteam kortubamni te desak kitench borem korchenant.
Bharotantlim Kristanv bhailim nhoi, tanchech sarkhim niz Bharoti, tannim aple khoxe monan kristanvponn apnnailam. Apnnak zai toslo dhorm’ apnnaunk amche desachi ghottnna sothea dita. Ti tanchean nhoi mhunn konnacheanuch nakarunk zaina. Don hozar vorsam zalim Kristanvancho ankddo heram porim vaddona kiteak? He dhormvadi Hindu dhorma-cho obhiman aplea payam tolla ghaltat. Tea dhormache xikovnne pormannem choltat zalear tannim aplem jivit topaschem.
Caridade Mendes, Saliganv

Bebeak konnem khursar marlo?
N. S; Agostache 29velea Times of India, Goa edition-acher bhitorlea panacher ek lhanxi khobor ailea, ani ek chitr tacher khuris ani khursacher eka bebeak khursaila. Bebeachea eka hatant bierachem kop ani dusrea hatant tantem dilam. Hea chitracher amcho khor nixedh. Tea khobrecho mathallo ‘Pope furious over crucified frog’ oxem asa. Hea chitra vorvim Kristanvanchi monam koddu zatat ani bhavnam dukhovtat. Dhormachea vostuncheo moskoreo korop matui sarkem na. Kolokaran kelam vo kortat titlem-i mandun gheunk zaunchem na. Tumi potrkaramni oslea vostuncher chotrai dhorunk zai zaum chitram zaum boroupam kortana khoincheach dhormak dukhpachem korunk favona. Amche modem devchar uprasla ani amche modem futti ghalunk vavurta, dusmankai rochta ani somazam modem rag- krodacho uzo peroita. Hea chitracher amcho khor nixedh martanv.
John Serrao,
Pilar

Orissantlea dhormvadeanchi nit gorjechi
M.S; Hea disamni Orissant dhormvadeamni kel’lea maramarink lagun akh’khea sonvsarak haloilo. Zaite pavtti Kristanv lok sosnnikayen sogllem sonsun ogo ravta. Devache bhirantin jiyeta. Aiz ami Bharotant pollelear kheddeamni sudarop zait veta zalear Kristanvanchea borea khatir. Tanchim iskolam, hospitalam seve kendram, onath ghoram hostelam itlo somajik vavr Bharotant padri-madri ani bradar choloitat, toslo moladik vavr hea dhormvadeamni khoim tori kela zait? Tankam to kel’lo naka, kiteak toslea borea vavra vorvim Bharotantlo gorib lok voir sortolo ani hea doldirea monachea mullvadeank zai toxem korunk ani apli zulumxai choloun aplo xetancho gulami vavr korunk mellchem na. Hea pasot te Kristanvancher virudh asat. Tankam koxech ami bhiyeunchem nhoi tankam ani amkam rochlolo Sorgincho Bap amche sangata asa ani astolo.
Sebastiao Vaz,
Kudd’ttore

Gram Sabha bollvont zauncheo
M.S; Hea vorsamni Gõyant kitlech toreche proxn uprasun Gõychea lokak trasamni ghala. Gõycho lok sarkoch bejear zala. Zaito lok aplim ghoram-bhattam vikun bhair gelo. Hi onek chuk Gõykaramni kelea. Montreanche ani amdar-anche kumpar zaun bilddor ani kontrador Gõyant ievn lokacheo zomni gheun ghoram bandun bhailea lokak Gõyant haddun bhorlo. Hea lokak lagun Gõyant udkacho, kochreacho proxn upraslo to azun suttavo zaina. Ganvant kitem cholta ani kitem zata hachi ganvkarank kainch khobor asona. Panchaya-tichim vangddi porian dudvanche axek lagun kitem kortat tem tinch nokllot. Hea pasot Gram Sobhek oglli podvi asunkuch zai. Unchle odhikari asum iet, punn Gram Sobhek-ui odhikar zai. Gram Sobhen pas kelea bogor kosleoch bandavolleo zaunk favona. oxem mhaka dista, herank koxem disot?
Tome Correia,
Tivim

Rajbhas bil bodlunk mellchem na
M.S; Vidhan Sobhent Rajbhaxechea bila vixim bhasabhas kortat tacher matr bhov chotur ravchem.Thoim Konknni bhaxeche fuddari hajir asop gorjechem. Pri. Pratap Naik, zaum Tomazinho Cardozo, Pundalik Naik hanche sarke Vidhan Sobhent aslear borem. Romi lipichea adaran Moratti Gõychi odhikrut bhas korunk fuddem sorleat mhonn gomlam. Eka rajyak kitleo odhikrut bhaso zai hench amkam somzona. Khoinchea rajyak oxeo don odhikrut bhaso asat kai? Gõykaranchea ogeponna-cho faido kaddun naddbudhi korcheo nhoi ani Moratti Gõychi rajbhas korchi nhoi. Romik toxi devnagarik eksarko dorzo diuncho. Hantum onit naka.
Salvador Gomes,
Vasku



Mistirink Vhodd Man Favo

M.S; Setembrache 5ver ami xikpeank bhettoil’lo dis monoitanv. Bharoti sonvskrutayent ek mistir vo xikxok khorench ek guru aple chalin, aplea jivitache dekhin vatt dakoinnar. Punn aichea somazant xikxokank favo to man mellona. Onek pavtt bhurgeanchim avoi-bapui xikxokank opmanaitat ani dukoitat. Dusre vatten xikxokank favo tem pogar mellona, tech khatir unchlea sobhavache veokti xikxokanchem kam’ korunk ang kaddtat. Ek khoro mistir Devalem kherit besanv. Zo priti-mog khup avoi-bapai lagim diunk zaina tem kam’ ek xikxok korta. Zababdaren xikxokachem kam’ kortolo jerul bhurgeank ani somazak ek kherit dan.
Amchea desantlea bhurgeank favo te porim xikxonn diunk onek 25 lakh mistirinchi goroz mhonn odmas kortat. Tea bhair her ganvamni zaitea xallamni mistir asat te khoim dispott’tim xallent ienant, fokot dor mhoineak yeun aplo pogar ghetat. Bezababdari xikxok ek mottem durdoiv. Tech khatir sobhavik, mannsugeche mistir vinchun ani favo ti mozuri diun tankam khoxal dovrunk ek povitr kaido amcho. Rit-rovis ani xist aslole mistir aslear amche somazak uzvaddit fuddar melltolo
Socorro Fernandes,
Vhoddlem Gõy