SONDÊX
SOMAJIK PREXITAYECHO AITAR
[DAY OF SOCIAL APOSTOLATE]
Otubrachi 7vi, 2007
Somiacho Govai Koso Ubo Ravnk Bhiyenaka (polle 2 Tim 1: 8)
Amchea Somazak veg-veglle bhag asat: je porim dhormik, arthik, rajki, sonvskrutik, somajik, adi. Heam sorv bhagamnim mon’xam vavurtat-jiyetat. Hea ani tea kama sombondim ami tankam sodunk vetanv tednam, amcho mon’xam-onnbhov vaddot veta. Thoddim aplo vavr mon lavn ani thokôs ghevn kortat zalear, dusrim aplo svotacho subez vêll divn, kherit suddsuddayen kamam sompoitat. Heram, zaum vavrachê zaum vellachê babtint, koslich zobabdari ghenastanam aplem jivit choloitat. Osleam zonnam mukhar lok magir, aplim kamam vegim korun ghevchê khatir, bhroxttacharachim kolponam yevzunk lagta.
Anik-ui ami polletanv: amchim bhurgim chuki rostean choltat tednam, tankam xiddkaunk ami khubdam bhiyetanv. Amcheam ghorabeamnim zalear vostu zomovpacho bhar vaddla ani veoktincher visor poddla, ekameka vangdda vêll sarunk amkam avodd nam. Amchê modem rit-mannsugen, man-bhovmanan vagunk chodd umêd disonam ani boream muliam pormannem jiyeunk proytn korteleanchim ami zaite pavtti khebaddam kortanv.
Toxench xallam-kolejimnim, bazarant, tinttear-nakear, vochot thoim, sogllim sott-korun girest zavchê dhanvdden aslolim distat. Osli itsa xarti pavoitanam kosle upai ghetat tancher chodd lokx ghalelem disonam ani hê toren amcheô khuxeô padd zatat. Nitichim panvlam marpa khatir bhasabhas kortoleancho vavr lok kenddta-hinnsaita. Sotacheam ani promanikponnacheam kortoveank unno man mellta. Oslea vatavoronnant, amchê sorvbhonvtim, amchea ghorabeant ani xezareak, Somiache govai koxe ube ravnk amkam zaite soeg melltat.
Habakuk Provadeachea kallar somazant oslench vatavoronn choltalem. Tea sombondim Habakuk Deva lagim uzot korta: “Kitlo kall mhonn hanvem Tuzo adar magcho ani tum aikonastanam ravtoloi? …. Nagovnni ani zobordosti mhojê mukhar distat, zhogddem ani dusong fulta. Oslê poristhitint onituch pollevnk mellta ani zulumxai sonschi poddta!” (Hab. 1: 2-3).
Amchê sorvbhonvtim oso-i proxn upzota; nitin-sotan jiyeun konn fuddem pavonam, karonn fottingponnan ani bhroxttachar korun lok xrimont zala ani tankanch ganvant man-abru mellta. Amcheam osleam chintnam vixim Habakuk provadi xiddkaita: “Zanchim kallzam promannik nhoi, tim moddon poddtolim, punn promannik mon’xam aplea visvaxiponna vorvim jivim astolim” (Hab. 2: 4).
Somazantleam soglleam bhagamnim ami misôll astanv. Vankddeô vagnnukô dhortat thoim promannik rosto ugto korun, bhroxttacharachim mullam umttaun, fottingponnachim kolponam fiskuttaun, zhogddim-dusongam kortoleanchi zobordosti thonddaun, bollan zulumxai choloitoleanchim monam uzvaddaun, nisorga vixim zababdaren vagun, ami hea Somazant promannikponn vaddoitanv. Sotachê babtint eklo pasun bhovmot (in matters of truth, even one makes majority); amchim lagxilim amchea sangata nam asot zalear legun, sota add vochonastanam, Somiache govai koxe amchean ubim raum yeta (polle 2 Tim 1: 7-8).
Amcheam firgozamnim, dhormik ghoramnim, xikxonnik ani heram sonvsthamnim vavr kortanam apleak Somiache govai zavnk poilo kaido asa mhonn ollkhun, sogllea vevharan nitik ani sotak unchlo zago divcho, ani osleô kariavolli manddun haddunk bhiyenastana fuddakar gheuncho mhonn Somiacheach nanvan ulo martam.
Arsebispachem Ghor, Gõy, Setembrachi 22vi, 2007.
(+ Filipe Neri Ferrão)
Gõy-Damanvcho Arsebisp
Message of the Superior General
of Society of Pilar
It’s Platinum Jubilee of our Weekly publication, “Vavradeancho Ixtt”. Such a rare occasion calls for a celebration. A celebration that helps to gratefully look at the past and instill new vigour and enthusiasm with a vision for the future.
We remember with gratitude and deep appreciation, all those who, in some way or the other, were instrumental in running this publication from its inception to the present time. The Vavradeancho Ixtt, has passed many a times through testing situations and has kept the fire burning.. My hearty Congratulations, to those at present efficiently running the Weekly: the Editor, Assistant Editor, Manager, members of the staff and contributors. My Congratulations extend to the readers of the Konkani Weekly and the members of the Society of Pilar under whose aegis it is published.
It was a pioneering step in those early years, for the Society of Pilar, to accept the request of the then Archbishop to take over this apostolate of the printed word. How is it connected with a Religious Society? The ‘word’ expresses the thoughts and the heart of a person; in a similar fashion “the Word made flesh” (Jn1/14) Jesus Christ the Word of God expresses the heart and thoughts of God. The thoughts and heart of God is Good News to the whole human race. It is liberation from all forms of bondage. It is a call to be of loving service. This is what the Society of Pilar wants to proclaim.
The starting point is as Disciples of Christ, but participation in the mass media arises from its very nature as a good destined for all people. It is a public service, which requires a spirit of cooperation and co-responsibility.
The essential part of any media is to create a sense of dialogue and unite all peoples without borders of language, colour, Culture or Creed. It has the great responsibility of forming the people and their conscience. To raise its voice against injustice and wrong taking place in Society without being biased; with ‘vigorous accountability’ of the use of public resources and play the role of public trust.
Vavradeancho Ixtt has fulfilled this role to bring about social transformation of showing the Way, of standing for the Truth and pointing to Life of Peace and unity. May this year and the years to come bring special blessings.
Before I sign off I would like to thank all the subscribers and those who advertise in this newspaper. For it is they in many ways that understand the role of this Weekly in our mother tongue and keep it going.
Keep the torch burning!
Fr. Tony Lopes, sfx
V.Ixtt sadea lokachem potr
V.Ixtt-ak 75 vorsam bhortat mhonn soglleam Gõykarank ani odik korun Konknni ulovpeank ani borovpeank khup khoxalkai bhogta.
Hea nimanneam vorsamnim V.Ixtt-achem khup sudarop zalam ani tem zait vechem mnhonn mhoje anvdde.
Hea sudaropak 3 bazu ascheo:
1. V. Ixtt ek ‘vavraddeanchem’ mhonnge sadea lokachem potr: mhonntoch tache lekh ani bhas sadich, sadea lokak somzota tosli, urchi;
2. V.Ixtt Gõychem ani Gõykaranchem potr: mhonntoch Gõyche osmitaye ani vatavoronna khatir tannem zhuzot ravchem;
3. V.Ixtt ek Kristi potr: mhonntoch thoim zata te bhaxen Kristi totvam vistarchim.
Hech mhoje hea utsova somoyar anvdde.
Pri.Almir D”Souza
V.Ixtt-an bhed-bhav rakunk nam...
Vavraddeancho Ixtt hem Konknni satollem suru kelear 75 vorsam bhortat. Hea itlea kalla modem tannem lipicho kosloch bed-bhav nastanam sumanachea sumanak udorgoticho moladik vavr kela, dekhun tacheam karbhareank porbim ditam ani hea fuddem V.Ixtt-ak porzollit fuddar anvddetam.
- Prabhakar Tendulkar
(Dalesh Printers, Mapusa)
Ek khoro ixtt amcho!
Omrut utsov V.Ixtt-acho - Dis ho argam divcho! V.Ixtt ek khoro ixtt amcho. Amchea ghorant bhitor sorta ani boro sondex amkam haddta, amchea ghorabe uzvaddaita.
V.Ixtt-ak lamb ank ani bhangarachem yes anvddetanv.
- Teotonio Pereira
St. Andrecho adlo amdar
“Vavraddeancho Ixtt” aplea Omrut Utsovachea Vorsant bhitor sorta mhonn amkam soglleam Konknni mogeank vhodde khoxalkayechi khobor. Punn hanv to neamit vachpi ani 1963 thaun tacho ek borovpi asun dupett khoxal. “Vavraddeancho Ixtt” soglleam Gõykarank ek uzvaddacho foler ani Konknnicho obhiman. Tache vorvim hanv zaitem xiklam ani xiktam ani oso girest zait vetam dekhun tache khatir hanv Devak dhin’vaxi ani tacho (V.Ixtt-acho) abhari. Hea kherit khoxalkayechea somoyar, borovpantlean mhozo lagxilo sombond zalolea dogam sorgest Sompadokancho, Pri. Jeronimo Pereira ani Pri.Lactancio Almeida hancho bhou manan ugddas kortam. Toxench atancho Sompadok Manest Pri.Ubaldo Fernandes, Up-Sompadok ani mhozo ganv bhau Bro.Eusebio Miranda, adle soglle Sompadok ani Pilarche Sonvsthek mhojim un-unit porbim ani tumchea ani amchea Ixtt-ak soglle bore anvdde. Ad Multos Annos “Vavraddeancho Ixtt” !
Felix P. da Cruz
75 Vorsancho Ixtt Togum, Zogum ani Vaddum
Khorem sangtolom zalear, V. IXTT 75 vorsam purnn korta, hem sotmandunk borench avgodd lagta. Ani tem-i bi Romi lipyentlean ani Konknni bhaxentlean chhapun yevpi ek satollem potr mhunn niall kortoch; tem-i bi Inglezichem char-ui vattamnim iedem vhoddlem akromonn astanam! Xivai, tem disan-dis ek vokol koxi apli sobitay vaddoit asa. Ho bodol halincheam vorsamnim chodd disunk lagla. Ogrlekh, modlim ani khellam panam tor rokddinch dolleant bhortat. Modlea panancho mud’dom’ ul’lekh korin dista. Zatim-dhormancho kosloch bhedbhav nastanam, Gõycheam tornneam ani noveam kolakaranchi ani tanche kolechi hea panancher mahiti mellta ani tondd bhorun tust ani prosid’di zata.
Vinodi lekh uzvaddaun, vachpeank pottbhor hanspak boreak poddta. Zata zalear anik-ui noveam boroinnarank apli kola dakhovpak Ixtt-achim panam ugtim dovorchim ani sondi divchi.
Pilar Sonvsthek, tachea karbhariank, kam’ kortoleank, khas korun Bro. Eusebio ani Pri. Ubaldak un-unit porbim di-it ani lamb toxem bholaikechem ayux anvddet, Ixtt 100 hupun mukhar pavcho, itlench Deva kodden magtam.
– Soter R. Barreto
“Ixtt vachun hanv monis zalom”
Mhozo pai mhaka sango:
“ V.Ixtt vachun hanv monis zalam”. Mhaka V.Ixtt-an borovnk xikoilo ani kitlech mhaka inam’ meule ani puroskar favle. Osoch pinnkenche pinnkek V.Ixtt jivitacho foler zavnk hanv dhin’vaxi kallzan Deva lagim magtam”.
Romeo Almeida.
Mumboicho tednacho, adlo Adhari Gonvlli-Bap. Uprant Kardial Valerian Gracias 1949 vorsa porbim dhaddlolim.
Arsebispachem Ghor
Mumbai, Otubrachi 3ri, 1949
“ Vavraddeancho Ixtt uzvadda ailear anik ek voros bolandta, Pilar Sociedadiche mozoti khal, tichea tabeant asa. Dubav nam hem potr chodd moladik zaun asa, hea pasot zaiteam zannamnim amchea Mumboichea xarant opurbayen ghetolem disti poddta. Vavraddeank toxench xikloleank zaiti ollokh ani bori xikovnn divnk tem vavurta tech porim, azun kallokant buddlole asat tankam uzvadd fankoita.
Tachea Sompadpeak ani heram soglleank je hea vhodda kamant tache borabor Devachea onodak ani atmeachea boreponna pasot vavurteleank amchim un-unit porbim.
Sorvespora Dhonian Pilar Saibinn potracher, tachea karbhareancher subham’ bensanvam denvounchim ani tanchea vavracho boro foll tankam divcho.
Amchea mogacho axirvad ani vhodd auk V.Ixtt potrak ani vavraddeank.
+ Valerian Gracias
Mumboicho Adhari Gonvlli-Bap
1949 vorsa, Gõycho D. Jose Costa Nunes hannem V.Ixtt-ak porbim ani bensanv dhaddlolem. Gonvlli Bapacho Ulo
Aiz Pilarchi famil Vavraddeancho Ixtt-acho vadd’dis dobajean somarombhta. Jezuchea kallzache opurbayeche goribanchea rakhnnarak, Jezuche ani Igorjeche doton’nichea porgottnnarak Gõyche Arkidiosezichem bhavarteam modem hea nanvadik Katolk potrank, jem vistarlam titlem dusrem khuinchench potr Gõyant kedinch vistarunk nam, taka ami amchem Bensanv dhaddtanv. Tem vaddun ani choddun vochum. Disandis bolladik zaum, somazank sodamkal Igorz Maten navaddlolem mogachea ani nitichea kaideam pormannem tem cholum mhonn ami anvddetanv.
Hea potracho vavr kortoleam somestancher, je niraxen, moipasan ani faido nastanam aplo jiv orpitat tancher Dhonia Devan bhorpur bensanvam ghalchim.
+ Jose Indieacho Patriark
“V.Ixtt Kallzant Chitarlolo Asa”
V.Ixtt-ant astanam hanvem sogllea monan, sogllea kallzan ani sogllea otmean V.Ixtt-achea vachpeam-vachpinnichi seva kelea mhonn ugteponnim sangtam. V.Ixtt-an mhoje khatir kitem korum yeta tem hanvem pollevnk nam, bogor hanvem V.Ixtt-a pasot kitem korum yeta tem hanvem pollelam.
Hech khatir, V.Ixtt-acho ugddas yeta title-i pavtti mhojea kallzak sontos bhogta karonn, V.Ixtt-a udexim thoddem-bhov borem lokak haddlam mhonn khalteponnan mandun ghetam.
V.Ixtt-a khatir thodde pavtt mhaka dukham pasun gollounk poddleant khorim, punn tech barabor V.Ixtt-a nanvan ontor’raxttrik, raxttrik ani sthanik mellaveamnim hanvem vantto ghetla. He nodren pollelear, hanvem V.Ixtt-a pasot kelam tache von chodd V.Ixtt-an mhoje pasot kelam mhonn sangunk hanv pattim soronam.”
Sorg. Lactancio Almeida s.f.x
