VACHPI BOROITAT

Vachpi Boroitat

Lekhank up-mathalle gorjeche
M.S; V.Ixtt-achea fattlea ankachea “Vachpi Boroitat” tea bhagant jem kitem Romeo baban ani Fatima Barreto bayen boroilam tantum zaitem khoreponn asa. Adlea kallar V.Ixtt-acher nanvoste borovpi aple lekh purtugezintlean, Kon-knnintlean ani Inglezin-tlean porian boroitalet. Eka potrak veg-veglle vixoi. Kotha, Itihasik ani dhormik lekh boroilear khup faideachem. Ayurvedik vokhdam vixim, rajkoronnacher ani somajik proxnancher Konknnintlean boroilear chodd borem. Lekh lamb aslear taka up-mathalle (sub-title) dium yetat. Aiz-ui V.Ixtt-ache borovpi bore asat zoxe porim Pri. Moreno, Tomazinho bab, Felix D’Cruz bab, Pri Ave Maria Afonso, Pri. Nevel Gracias, Pri. Almir de Souza hanchim borovpam bhouch moladik, toxench Bonaventure D’Pietro hacheam lekhamnim purvileo khobro vachunk melltat. Rongit pan-ui borem zata. Tumkam xabaski.
V.Ixtt fuddlea vorsa 75vea vorsant bhitor sorta mhonn aikun mhaka vhodd khoxalkai bhogli. Heach potra borabor ani uprant ailelim kitlinch potram morun gelim. Pilar sonvsthek porbim duddvancho faido nam zait, punn hea V.Ixtt-a vorvim lokak bori xikovnn mellta, tench tumchea vavrachem vhoddponn. Devan tumcher axirvad ghalcho.
Alfredo de Souza,
Saliganv

Arkivantleam daklleanchim pustokam
M.S; Gõychea ganv -ganvchea lokachea zolmachea ani mornnachea daklleanchim pustokam Ponnje Arkivont samballun dovorleant mhonn odhikareank amchi xabaski. Punn him pustokam futtleant, panam suttleant. Heam pustokanchem ‘binding’ kelelem zalear chodd borem zatolem aslem. Adleam pustokanchem ‘microfilm’ kortat mhonn aikolelem, punn uprant kainch khobor nam. Dusri gozal Ponnje konnui mon’xak aplem sertidanv sodpak daklleanchim pustokam divop sarkem zalear odhikareamnim lokx ghalchem. Adle daklle purtugezint asat mhonntoch Purtugez zanno asleleak him pustokam hatallunk somzota. Tim pustokam ibadd zalear lokak tras zatolech. Dekhun odhikareamnim hacher chotrai dhorchi.
V. Miranda,
Aldona.

Pri. Nevelache lekh ruchiche
M.S; V.Ixtt-acher Pri. Nevel Gracias boroita te lekh hanv ani mhojim bhurgim ruchin vachtanv. To voparinchea bhanddarantlem vachpeank ruchichem jevonn dita. Tachea vavrak xabaski favo. To piddent poddun tacho ek paim katorla, punn taka kednach niraxi zalolo pollevnk nam. Devan bore gunn taka dileat. Konknnintlean to zaitem boroita. V.Ixtt-ar-ui tannem chukoinastanam borovchem. Voparinchea Bhanddarantlem ho vixoi ghetlolean tachem borovp chaluch urtolem mhonn ami axen ravtanv. Tannem boroit ravchem ani ami girest zait vechem.
Fatima Gracias,
Lottle.

Piddestanche kollvolle
M.S; Fattlea ankavelo tumcho ogrlekh piddestanche kollvolle ani Gõyche choddfodde mhaka avoddlo. Hospicio hospitalachi poristhiti vixim tumi boroilam taka mhozo tenko. Bholaike Montri Vishwajit Ranen avchit bhett dili ani soglem aplea khas dolleamnim pollelem ani lokachem sangnnem aikolem mhonn taka xabaski. Hea tornnatea montrean oslem panvol marun bes-borem kam’ kelem. Purtugez kallar Rajpal Antonio Vassalo e Silva oxich zatir pavtti avchit sorkari khateamnim bhitor sorun kam’ topastolo mhonn zannte sangtat. Lokachim kamam loltter poddlolim taka naka aslim. Khorench, aiz-ui osle odhikari ani porjeche sevok asunk chodd goroz. Hospitalamnim xist, nitollkai ani piddevontanchi seva gorjechi tankam favo teo sovloteo mellpachi vevostha asunk zai. Tednach somazachem somadan zatolem.
Filipe de Souza,
Pilar.

Zuarkar babacho rajkornneacho khell-tiatr
M.S; Ramakant Zuarkar baban boroilolo, rajkor-nneancho khell-tiatr machi ani tikett nastanam Gõybhor pollevnk mell’lo. To tanchem pott futtosor ani pottle bhorosor thambchonam, chaluch urlolo. Puroskaranchim nattkam, he dusre natt-kist. Te tondd ugddun, tosli sondi kednam mellot tem polleunuch astat. Fulu khustar fozne ani rogddea khustar san’nam! Porjek pillun aplim bolsam bhorunk tankam koxem puttvota ? Porjeche duddu favo tankam dinastanam ap-apleak mellun ghetat!!! He svarth naslole zalear Remo babachi dekh ghetole asle! Zuarkar babak dhin’vastam.
Atam khoim ‘aam admi” bab “offshore” utrancho orth xikla. Ane baba, ek fott sangtolo zalear, anik kitleoch fotteo bhair sortat zoxeo vortoman potrancher dakholl zatat!
Heam soglleam dhongeancheam motincher uzvadd poddun Mandovi nodint “casino boat” asa ti konnak posunk? Hea adim Gõyant “casino naka” mhonn kitli bob zaleli?! Konn pott bhorta?
J. E. Saldanha
St. Estevam

Konknnichi Romi lipi ekrup kednam zateli?
M.S; Setembrache 8 tarkechea V.Ixtt-ar heach vibhagant St. Estevancho J. E. Saldanha baban boroileli chuk sudarnni hanvem chotrayen vachli ani thoim mhaka hecho, techo, tengelo, oxem borovp mell’lem. Tem sarkem mhonn konn sangta? Devnagrint hinch utram koxim boroitat? Hache vixim amcheam zannkaramnim spoxtt kelelem zalear borem zavpachem. Hanvem aikolam: oslem borovp zatea promannan bhitor sorlam; omke-omke zaticho vo vorgacho lok oxem-oxem uloita mhollear ghoddie konnak-ui vaitt disot mhunn hangasor itlench sangtam. Konknni ekrup zavnk jem devnagrint asa toxench tem romint-ui zavnk naka aslem? Lipi tor khuinchi-i asum, ekrup zavnk nagrin toxench romin ekech toren borovp zavnk zai oxem mhaka dista.
Francisco de Souza,
Karona.

Roste durust korat
M. S; Pavsacho kall sompot ailo, amche thodde roste borech padd doxer pavleat; veta thoim khonni poddleat ani gaddyo cholovpak kottin zata. Thoddech dis zale, kallokhant fonddkul disti poddunk nam dekhun samkoch motor-saikolivelo xevtton poddlo, osle obsoeg kitlech zaleat astole.
Eulogio Fernandes
“Hanv Saiba Poltoddi Vetam”
M.S; Ho ek novo tiatr Gõykar Amdarancho ani to Ramkrishna Zuarkar baban yevzunn kaddla. Dev borem korum. Ek kormonnuk koxi to tiatr hanvem vachlo, palkar haddchi goroz nam. To ak’khe Gõyche bhuimyer sodamkal zata. Oi, amche tiatrist ek sorkar ghoddunk sodi ani 40 amdar ube kortole mhonn nare gazoilele, heam amdaram modem, bailo-cheddvam astolim zalear kollunk naslem.
Ho TIATR atam chaluch asa ani to polleunk hurba yeta. Eka pokxantle, uddyo marun, dusrea pokxant aiz rigtat ani faleam bhair sortat. Hi ek SERKOS koxi dista. Hea tiatracho faido mhollear itloch: tikett nam,fukott pollevnk mellta. Hotelamnim he tiatrist pavtat, Dil’lik porian. Ho tiatr atam SAL NODINT pavla; faleam MOPA VIMANTOLLAR pavtolo sogle oxikxit tiatrist punn Konknnint-lean bhaxonnam korpi, nhoi borovpi ani Inglezintlean apleam pokxank nanv divpi ani niz Gõykar mhonn Inglezint-lean gazovpi.
Moren de Souza, S.J
Pornnem Gõy

Nhovreamnim dot magchi nhoi
M.S;Ami 21vea xek-ddeant pavleanv, ani ho xekddo sudarlolo mhonn sogle hordd’dim dhaddai-tat ani boddai dakhoitat; punn khoreponnim pollelear ami adleach nennarponnant jiyetanv mhollear fott zavchi nam. Karonn doticho proxn atam porian cholot asa. Dotik lagun kitlinch cheddvam kazar zavnk pavonant. Fattlea V. Ixtt-ar tumi boroilolo ogrlekh hanvem vachlo, jem kitem tumi thoim sanglam tem khorem. Bhausaheb Bhawara sarko konn-ui amche modlo Gõykar oso fuddem sorun dotichea noxtta add vavurlolo zalear borem zatolem aslem, oxem mhaka dista. Amchea Igor-zamnim ani Kapelamni padrimnim hache vixim lokak ani kazar zatoleam zoddyank xikovnn divnk chodd goroz asa.
Caridade Mendes,
Pomburpa.

Keri-Tirakol pul kednam zatolo?
M.S; Tirakol ganv Peddnnea poltoddi urta khoro, punn te vatten amchim Gõykaram asat. Altoddi-poltoddi vochunk tea lokak khup tras zatat, bhov korun pavsachea kallar. Gõycheam heram ganvamnim kitlech pul zaleat ani amkam zaitem sompeponn mellta ponn Keri- Tirakol pul bandunk amcho sorkar kiteak fattim sorta tench somzonam. Ho pul bandtat mhonn kitlinch vorsam thaun ami aikotanv torui tea pulachi azun porian konnuch khobor korinant. Ho pul bandlear rokddench Maharaxttrant pavum yeta. Amchea amdar-baban ani Bhovxik Bandkam Montrean ho pul bandpachi yevzonn korchi mhonn vinonti asa.
Patrick Fernandes,
Kerim.

Mati kaddunk divchi nhoi
M.S; Fattleam disamnim ghosghoxamnim pavs poddun zaiteam ganvam-nim toxench Mandovi pula kodde ani relve margar mati ani khoddpam kosllun poddlim; lokakui khup tras zalet, urlolim heam disamnim podd-tolea pavsant kosllun poddleam. Jim ghoram unchayer aslolim thoinchi mati kosllun ghorank mar lagla. Amche dongor paxanni fatranche nhoi. Zomnicher kitlo porian bhar ghalum yeta? Imaroti bandtole kontra-dor ani atanche arkitekt Goyche zomnichem xikop ani onnbhov naslole. Aplim bolsam bhorunk te ordhukuro vavr kortat punn uprant niropradhi lok trasant poddta. Khaznamnim porian imaroti bandleat. Team imarotimni ravtolea lokacho prann-ghat zait mhonn bhirant. Khatri ditat tancher patiyelear ami fostoleanv. Dekhun dongranchi mati kaddunk mona korchem.
Denzil Rocha,
Navele.

Gõy amchem konn samballtolo?
M.S; Gõychi udorgot korunk ami nivddun kaddlole amdar soglea nettan vavurtole mhonn ami somzotaleanv ani axa dhortaleanv ponn hem kam’ korche vellar te aplench boreponn polle-tat. Vinchnnukam vellar te amkam zaitem bhasaitat ponn nivddun yetoch kel’lea bhasaunneancher tanchi visor poddta. Gõyche udorgotichea nanvan aplea faideachem poilem polletat. Dekhun Gõyant boreponn zavpa-chem fattim urta. Gõyant lok vaddot asa, ho lok soglo bhailo; veta thoim ghoram bandun Gõy-chem poriavoron padd zata.Udorgoticheo yev-zonneo kortana vaitt zaina zaunk upai gheunche.
Domnic Fernandes.
Pomburpa.

Mhapxeam bazarachi durdoxea
M.S; Eka kallar Mhapxem xar sobit ani nivoll aslem. Hangasorlo bazar thoddim vorsam Gõyche suttke adim bore manddavollin bandlolo, bazarachim gottoram bore toren vhanvtalim, tim kednach upott bhoron uronaslim. Punn atam ho bazar pollevnkuch zainam, jiv sarkoch vitteta, pavsachea kallar paim ghali sarki khuinch svatuch nam; gottoram udkant bhorun ot’tat. Nustem, mas ani bhaji-palo viktoleam svatan-cher ghann poddta. Bosim-manddar dhanvtereancho bazar bhorlole porim dista. Khuinchea vellar bosi tuka apttot tem sangunk zainam. Angod vattarant UTI benki lagchea rostea degecho vhall matyen purovla ani udok rostear yevn tollem zalam. Hem soglem Mhapxenche nogorsevok polletat tori durusti korunk fuddem soronant. Tannim kel’leo bhasavnneo te pallinant. Atam tori upay ghetit kai mhunn lok ravta.
Diogo M. Fernandes,
Mhapxem

V.Ixtt-ak porzollit boroinnar
M.S; Pri. Ubaldo Fernandes, V.Ixtt-acho sompadpi zait porian hem satollem, mhaka kednam- kednam-i rag haddta, dusre pavtti huskeant ghalta. Chodd korun mhojem mon uzvaddayta, mhaka hansoyta ani kednam-i dongrar vhorta ani uprant sorgar pavoyta ani kupantlean sorgachi vatt ani uzvadd dakhoyta.
Hi chitt chodd lamboinam, “Romeo, tujem borovp short kor mhunn fadar mhaka sangot aila. Aiz fattlea donuch ankam vixim sangtam: 18/8/07 tarkechea V.Ixtt-ar Leon Bent baban “Freeway to Healing and Health” ho itlo ruchik ani uzvaddik lekh boroyla to hanvem zaite pavtti vachunk zai mhunn mezaruch dovorla. Osle lekh mhojem jivit fuloytat ani follaytat. Dusro 25/8/07 tarkecho, V.Ixtt-ar Ramkrishna Zuarkar-baban “ha-ha-ha Amdar baban-cho khell tiatr” mhunn boroylo. Hanv hans-hans hanslom. Hanspak mhonn kednam-i tiatr pollevnk vetam, 60 rupya moddun tikett ghetam. Zaite pavtti zaito hanstam, kednam-i vajetam ani ordo tiatr pollevn ghora yetam, kaim tiatristank churchurtam. Kola ani sonskrutay aiz itli sokol pavlea?
Hansoun-hansoun amgelea “sovai vo ordea xanneam” amdarancher chabuk marpant ho huxar R. Zuarkar bab, No.1. Fattim hanvem oxench kitem V.Ixtt-ar boroilelem: Amgele amdar ani montri amcheam tiatristam von odik fanki zaleat. Rajki machier te Gõykarank funkott tiatr dakhovn, bhorpur hansoytat. Hea tanchea tiatra udexim te lakamnim rupia apleak zomoytat hi gozal veglli. Jevonn naslear Gõykar mortolo. Lakh naslear montri mortolo! Dispottim funkott tiatr pollevnk mhaka atam Ponnje Kala Akademint vochpak naka. Gõycheam motdaramnim mhaka je amdar dileat, tanchem nattok tiatr, tomax zagor, khell-tiatr pollevn hansunk vo roddunk amger T.V. ghorant asa.
Romeo Almeida,
Alto Porvore.

Khuneank sampddaytat, Pulisank xabaski
M.S; Adlem Gõy atam amkam urunk nam oxem zaiteam Gõykaranchea tonddantlem aikunk yeta. Veta thoimsor maramari ani khun zatat. Punn amche pulis guneanv-kareank sampddaunk vavurtat mhonn tankam xabaski. Halinch Samir Mapari tornnateak marun uddoilelea khuneank nitik ube kortat mhonn aikolam. Tor hi nit favo toxi zavchi mhonn lok magta. Nitichea kamant onit bhitor sorunk favonam. Avoik put mellchonam, torui astanam tika bhorpay (compensation) divpachi khast formailear upkarot?
Rosario Carvalho,
Aldona.

Mandrem-Keri rosto durust korcho
M.S; Mandremcho ani Kericho lok PWD-chea Montri Churchill Alemao-ak ani Mandrenchea motdarsonghachea amdar Xri Laxmikant Parsekarak vinonti kortat; Mandrem tem Keri rosteachi poristhiti borich padd zalea tachi durusti korchi. Tera rosteavelean vetanam provaxeank kalliz hatant dhorun vechem poddta. Konn-ui piddevontak hospitalant vhortanam kosle halaval zatat tem pollevn piddevontache churchure distat. Atam pavs somptanch PWD rosteanchi durusti korunk lagtole tednam hea-i rosteacho ugddas tannim monant dhorcho mhonn lokachi magnni asa. Thoddeam zageancher ho rosto oxir asa thoim rundaunk vo rund korunk zainam zalear-ui to sarko korcho ani hea ganvanchea lokache tras unne korche. Amcho Montri Churchill bab ani Amdar Lxmikant bab amchem magnnem bherea kanar ghalche nant mhonn amkam khatri asa.
Danzil D’Souza,
Keri- Peddnem

Konkan relveche bhognnar
M.S; Konkan Reil-gaddi bogor-bogor ‘sick’ poddta; Setembrache poileruch, pavsak lagon, Ratnagiri vattarant, dongor kosllolo reil-rostear mati poddli, ani reil-gaddi bond dovorchi poddli; reil-gaddeo Londachean dhaddcheo poddleo. Oxem zaite pavttim ghoddlam. Veg-veglleam vattaramnim oxem ghoddtlem mhonn, adim-fuddench, zannaramnim sangun dilolem, chollvoll suru kel’li, ho khottlo korttant porian pavlolo. Poromporik Kormollechea Tolleachi durdoxa zateli mhonn gazoilolem. Sanglolem toxem atam zata. Tolleantlem nistem somplem, bokim uddun gelim, dusrem pik gelem.
Zannaramnim sanglo-lem: Konkan Kinareveli mati mov xetam ibaddun vetolim, zaite pul bandche poddtole, bobdam kantovchim poddtolim, dekhun hi Konkan Reil Nove Kabizadintlean (Novas Conquistas) dongran-velean vhorchi, thoim-sorleam lokak yeradari khatir titleo bosi nant. Aiz sanglolem toxem ghoddta. Minerank team dongravelean reil-gaddi naka asli. Podvi mineran-chi, durdoxea porjechi.
Moren de Souza, S.J.

Mottve lekh odik ruchtat
M.S; V.Ixtt-ar borovpi onek toreche asat ani veg-veglleo gozali te amkam sangtat. Tomazi-nho bab Adim ani Atam chitarta zalear, Zuarkar bab dukhoinastanam sui topta. Pri. Moreno veg-veglle ugddas kaddta, purvilem sangata, khub amkam zagoita. Pri. Nevel Vell’lekar oparin-chim bhanddaram sonspota, Pio bab aplea monantlim mannkam ugoddta, Romeo bab potinik tasun pottbhor hansoita. Bonaventure bab itihasik goxtteo sangta. Xabaski amchea dhanvteam penancheam boroinnarank. Itlich mhoji suchnna: mottve lekh, sadeam utramnim sanglear tem vachpeank odik ruchta.
Fatima Barreto, Divchole

Lekhank up-mathalle gorjeche
M.S; V.Ixtt-achea fattlea ankachea “Vachpi Boroitat” tea bhagant jem kitem Romeo baban ani Fatima Barreto bayen boroilam tantum zaitem khoreponn asa. Adlea kallar V.Ixtt-acher nanvoste borovpi aple lekh purtugezintlean, Kon-knnintlean ani Inglezin-tlean porian boroitalet. Eka potrak veg-veglle vixoi. Kotha, Itihasik ani dhormik lekh boroilear khup faideachem. Ayurvedik vokhdam vixim, rajkoronnacher ani somajik proxnancher Konknnintlean boroilear chodd borem. Lekh lamb aslear taka up-mathalle (sub-title) dium yetat. Aiz-ui V.Ixtt-ache borovpi bore asat zoxe porim Pri. Moreno, Tomazinho bab, Felix D’Cruz bab, Pri Ave Maria Afonso, Pri. Nevel Gracias, Pri. Almir de Souza hanchim borovpam bhouch moladik, toxench Bonaventure D’Pietro hacheam lekhamnim purvileo khobro vachunk melltat. Rongit pan-ui borem zata. Tumkam xabaski.
V.Ixtt fuddlea vorsa 75vea vorsant bhitor sorta mhonn aikun mhaka vhodd khoxalkai bhogli. Heach potra borabor ani uprant ailelim kitlinch potram morun gelim. Pilar sonvsthek porbim duddvancho faido nam zait, punn hea V.Ixtt-a vorvim lokak bori xikovnn mellta, tench tumchea vavrachem vhoddponn. Devan tumcher axirvad ghalcho.
Alfredo de Souza,
Saliganv

Arkivantleam daklleanchim pustokam
M.S; Gõychea ganv -ganvchea lokachea zolmachea ani mornnachea daklleanchim pustokam Ponnje Arkivont samballun dovorleant mhonn odhikareank amchi xabaski. Punn him pustokam futtleant, panam suttleant. Heam pustokanchem ‘binding’ kelelem zalear chodd borem zatolem aslem. Adleam pustokanchem ‘microfilm’ kortat mhonn aikolelem, punn uprant kainch khobor nam. Dusri gozal Ponnje konnui mon’xak aplem sertidanv sodpak daklleanchim pustokam divop sarkem zalear odhikareamnim lokx ghalchem. Adle daklle purtugezint asat mhonntoch Purtugez zanno asleleak him pustokam hatallunk somzota. Tim pustokam ibadd zalear lokak tras zatolech. Dekhun odhikareamnim hacher chotrai dhorchi.
V. Miranda,
Aldona.

Pri. Nevelache lekh ruchiche
M.S; V.Ixtt-acher Pri. Nevel Gracias boroita te lekh hanv ani mhojim bhurgim ruchin vachtanv. To voparinchea bhanddarantlem vachpeank ruchichem jevonn dita. Tachea vavrak xabaski favo. To piddent poddun tacho ek paim katorla, punn taka kednach niraxi zalolo pollevnk nam. Devan bore gunn taka dileat. Konknnintlean to zaitem boroita. V.Ixtt-ar-ui tannem chukoinastanam borovchem. Voparinchea Bhanddarantlem ho vixoi ghetlolean tachem borovp chaluch urtolem mhonn ami axen ravtanv. Tannem boroit ravchem ani ami girest zait vechem.
Fatima Gracias,
Lottle.

Piddestanche kollvolle
M.S; Fattlea ankavelo tumcho ogrlekh piddestanche kollvolle ani Gõyche choddfodde mhaka avoddlo. Hospicio hospitalachi poristhiti vixim tumi boroilam taka mhozo tenko. Bholaike Montri Vishwajit Ranen avchit bhett dili ani soglem aplea khas dolleamnim pollelem ani lokachem sangnnem aikolem mhonn taka xabaski. Hea tornnatea montrean oslem panvol marun bes-borem kam’ kelem. Purtugez kallar Rajpal Antonio Vassalo e Silva oxich zatir pavtti avchit sorkari khateamnim bhitor sorun kam’ topastolo mhonn zannte sangtat. Lokachim kamam loltter poddlolim taka naka aslim. Khorench, aiz-ui osle odhikari ani porjeche sevok asunk chodd goroz. Hospitalamnim xist, nitollkai ani piddevontanchi seva gorjechi tankam favo teo sovloteo mellpachi vevostha asunk zai. Tednach somazachem somadan zatolem.
Filipe de Souza,
Pilar.

Zuarkar babacho rajkornneacho khell-tiatr
M.S; Ramakant Zuarkar baban boroilolo, rajkor-nneancho khell-tiatr machi ani tikett nastanam Gõybhor pollevnk mell’lo. To tanchem pott futtosor ani pottle bhorosor thambchonam, chaluch urlolo. Puroskaranchim nattkam, he dusre natt-kist. Te tondd ugddun, tosli sondi kednam mellot tem polleunuch astat. Fulu khustar fozne ani rogddea khustar san’nam! Porjek pillun aplim bolsam bhorunk tankam koxem puttvota ? Porjeche duddu favo tankam dinastanam ap-apleak mellun ghetat!!! He svarth naslole zalear Remo babachi dekh ghetole asle! Zuarkar babak dhin’vastam.
Atam khoim ‘aam admi” bab “offshore” utrancho orth xikla. Ane baba, ek fott sangtolo zalear, anik kitleoch fotteo bhair sortat zoxeo vortoman potrancher dakholl zatat!
Heam soglleam dhongeancheam motincher uzvadd poddun Mandovi nodint “casino boat” asa ti konnak posunk? Hea adim Gõyant “casino naka” mhonn kitli bob zaleli?! Konn pott bhorta?
J. E. Saldanha
St. Estevam

Konknnichi Romi lipi ekrup kednam zateli?
M.S; Setembrache 8 tarkechea V.Ixtt-ar heach vibhagant St. Estevancho J. E. Saldanha baban boroileli chuk sudarnni hanvem chotrayen vachli ani thoim mhaka hecho, techo, tengelo, oxem borovp mell’lem. Tem sarkem mhonn konn sangta? Devnagrint hinch utram koxim boroitat? Hache vixim amcheam zannkaramnim spoxtt kelelem zalear borem zavpachem. Hanvem aikolam: oslem borovp zatea promannan bhitor sorlam; omke-omke zaticho vo vorgacho lok oxem-oxem uloita mhollear ghoddie konnak-ui vaitt disot mhunn hangasor itlench sangtam. Konknni ekrup zavnk jem devnagrint asa toxench tem romint-ui zavnk naka aslem? Lipi tor khuinchi-i asum, ekrup zavnk nagrin toxench romin ekech toren borovp zavnk zai oxem mhaka dista.
Francisco de Souza,
Karona.

Roste durust korat
M. S; Pavsacho kall sompot ailo, amche thodde roste borech padd doxer pavleat; veta thoim khonni poddleat ani gaddyo cholovpak kottin zata. Thoddech dis zale, kallokhant fonddkul disti poddunk nam dekhun samkoch motor-saikolivelo xevtton poddlo, osle obsoeg kitlech zaleat astole.
Eulogio Fernandes

Xabas Kala Mogi!
M.S; Setembrache 12ver, 2007, Ponnjechea Kala Akademint “Odruxtti Jivit” ho Joao Cardoz-baban borovn digdorxit kelolo tiatr ami pollelo. Kala Mogi, Candolim ani kherit bhaxen Tomazinho Cardoz-babak amchim porbim ani xabaski!
Ho tiatr 50 vorsam fattim Saipem, Candolim hanga dakhoilolo hem sotmanunk khub avgodd lagta. Tiatrachi kotha, tantuntlo vinod ani machieveli manddavoll
monam dipkaita. Bhattkar ani munddkarachea jivita bhonvtonnim hi kotha ghunvta, torui ek dis oso udeta….tujea kallzak samko pill ghalta!
Dusre pavtti khuimsorui ho tiatr machier haddlear, konnench pollevnk chukovcho nhoi.
‘ Odruxtti Jivit” ho tiatr pollevn ghora pavtoch, SMS korun, hanvem Tomazinho Cardoz-babak porbim dilim. Aiz portun ek pavtt Kala Mogi, Candolim he
sonvsthek mhojim porbim.
Walter Menezes,
Kepem.

Cheddvamnim, bailamnim chotur ravchem
M.S; Thoddech dis zale Moddganv konn eka cheddvan motor-saikolir vetolea kodde ‘lift’ maglolea farak, taka vhorun bolatkar kelo mhonn sangtat. Osleo khobro aikotoch angachi lhonv ubi zata. Ghorantlem bhairuch soronxem disonam. Gõyant atam bailank surokxa nam. Khuinchea vellar kitem zait, konn kitem korit sangunk zainam.
Hem zavpak amich Gõykar zababdari karonn, ami poilim susegad ravleanv, lokak hangasor yevn ravpak dilem ani atam osleo vaitt ghoddnneo zavnk lagleat. Moddganv, Vasku, Mhapxeam ani her ganvamnim konnacho konn-ui yevn ravla. Vollokh naslolea mon’xa vangdda vochop mhollear jiv fonddant ghalop. Motoran zaum motor- saikolin vetolea vollkhi bhailea mon’xa kodde ixttagot korunkuch favonam. Oxem kelolim kitlinch fosleant. Dekhun chotrai dhorchi.
Victoria de Souza,
Anjuna

Jezuchea molleant apovnnim zai
M.S; Aitar, Setembrache 16ver, amcheam firgozamnim ‘Apovnneacho Dis’ monoitat. Hi ek bori gozal. Hea nimitan Ban’navle igorjen krizmacheam bhurgeank ek magnneache toxench apovnneache xikovnne vixim xibir kelem. Firgoz Gonvllik Sobheche, Dhorm’ Porgottnnechea khatean Dr.Caetano Do Loyola Perreira ani sangati Don Boskoche Youth Animation Kendran apovnnea vixim xikovn dili.
Aiz-kal amcheam ghorabeamnim ek vo don bhurgim zatat. Tor hantlim anik apovnnim khuinchim yetelim? Devan amkam vaddoyat ani choddoyat mhunn sondex dilolo, punn aichea bodoltea somazant ami to nem’ pallunk visorleanv. Adhuni koronnak lagun aicho somaz vaitt margar cholot asa, tor tacher tabo dovrunk padri- madrinchim apovnnim amcheam ghorabeamnim yevop chodd gorjechem. Mhonn’nni asa, “Chondona vangda aslole rukh, chondona sarke zatat, ani “erondd koxe bhurge vaddle zalear pattiek porian upkaronant”. Hem niallun avoi-bapayamnim apleam bhurgeancher bore sonvskar korunk zai. Apunn rit-rovixen ani xistin vagun aplea bhurgeank-ui tea margar cholovnk avoi-bapain vavrunk zai.
Alvaro Gomes
Benaulim.

Nanvancho Guddmell
M. S; Nevel Vell’lekar baban ek lamb lekh boroilolo hanvem ruchin vachlo - Adim Dom Pedro....(Ixtt 22 Set. p. 8) Amchea Gõyant Kristanvam aplem nanv bodlit asat. Magdalena zata Lina; Maria zata Mary, Joao zata John, adi. Bautismachim nanvam Purtugezintlean aslim tim atam Inglez zatat. Resper zatanam hokol bai aplem nanv Mary mhonn dita ani Joao dita John. Regist Civilant boroitat Maria ani Joao ani hea rupan, Bautismachi sertifikett nanvam dita. Oslo guddmell zait tor, Regist Civilache odhikari Padr Vigarak tannem dhaddlolem potr portun dhaddtat sangtat - “Ami Mariachem ani Joaochem kazar korunk lailolem, punn tuvem Marychem ani Johnachem kazar kelam.” Him don mon’xam vegllim. Nanv dakhoita ek ani monis nanv bodol’lem zalear monis-ui bodolta. Adim Konknnint Forsulo, Magdu, Bostu oxe ulo kori, punn borovn dovrinasle. Ghanttar gelelim Gõykaram, ulo kortat te bhaxen boroitat. Hoklen vo nhovrean Inglezintlean soi kelear, kaim oddchonn nam mhonn eka Vigaran mhaka sanglam punn voir nanv sarkem boroilolem asunk zai. Regist Civilant toxench Igorjent.
Atam zaitim Gõykar Kristanvam aplim nanvam Inglezintlean boroitat ani aplem alkunh De Souza aslem tem D’Souza kortat, Da Silva aslem tem D’Silva kortat. De vo Da dakhoita, monis khoincho to.
Adim Santanchim nanvam bhurgeank ghalit punn atam sinemantlim nanvam ghaltat. Inglez akaran nanvam ditat. Vaddeanchim nanvam Inglez zaleant. Konknnint-lean nanvam kiteak ghalinant? Kerollkaram ani Tamilam modem dexi rupan nanvam melltat
Nevelbab Piedade nanvacho ul’lekh korta. Piedade mhollear Purtugez utor; taka don orth asat - Bhokti ani Kaklut. Bori Inglez nokllot tim atam Saibinnik PIERY mhonntat. Tem Piety zavnk zai aslem. Khursa mullim asa ti Kaklutichi Saibinn, Bhoktichi Saibinn nhoi.
Moreno de Souza

Kochro unno zavchoch nam
M.S; Kitloch kall zalo Gõyant kochreacho proxn upraslolo asa. Veta thoim kochreacheo raxi disti poddtat, zaito lok motoramnim vetanam plastikachea poteamnim bhorun aplo kochro rostear uddoitat tem disti poddta. Hea lokacher koslich karvai korunk zainam? Gõyant lok disandis vaddot asa, hea lokacho kochro khuim vetolo? Gõyant lok asa to chodd zalo. Sorkaran atam imaroti bandpachem bond korunk zainam, imaroti bandun Gõykarank anik zago nam, bholaikechem varem, xant, vixoi ghevpache zage urche nant. Kochreacho proxn suttavo korunk boballtat, punn azun-ui kainch zainam. Dor disa tich gozal, odik borem aslem dor vaddeantlea vo dor kolonintlea lokan ap-aplo kochro hanga-thoim uddovche bodlek ekech svater uddovn hulpaunk zatolo aslo. Hi ek somajik seva zatoli asli. Hanvem, mhojea vaddeant oxem korunk suru kelam, atam mhoje vangdda anik-ui mhojim xezarim aileant. Ami soglo kochro ekttaim korun eka zagear lhanxe khonnint hulpaitanv. Amchem nanv ani ganv sanginastanam hem kam’ korunk chintlem. Oxem heramnim kelear borem zatolem.
Ek Gõykarn’n

Xabas, tuje ani tujeam sangateam sarkim ganv - ganvamnim somaz sevokam aslear, kosle-i proxn suttave zanvkuch zai. - Sompadpi, V-IXTT.

Porbim ani Xabaski V.Ixtt-ak
M. S; Fattlea V.Ixtt-ar fuddlea panar tumi, amchea mannkulea V. Ixtt potracho Omrut Utsov somarombhtat mhonn fuddlea panacher amontronn dhaddlam tem ami vachlem ani vhodd khoxalkay bhogli. Hanv bhurgeponnar thaun Vavraddeancho Ixtt vachit ailam. Khorench ek potr odik korun amchim Katolk toxench Konknni potram cholovnk borench kottin zata, tankam advertisement mellonant, te tor mell’lole zalear adar zatolo aslo. Amche Gõykar porian Konknni potram soddun Inglez potrancher aple advertisement porgott’tat. Tiatrist porian Inglez potrancher ghaltat; oxem kelear Konknni potr koxem jivem urum yeta.
Xabaski tumkam ani Pilarche Sonvsthek, ti apleam vangddeam vorvim V.Ixtt potr samballta. Amchim tumkam porbim.
Caridade de Souza,
Saliganv

Lokak fottoun duddu ghetat
M. S; Thodde chor daram foddun bhitor sortat ani chorun vhortat ani kaim chor ratche nam tor disache atak korun chortat. Punn atam onek toreche chor amche modem ubzoleat, te bore nhesun yetat ani apunn gorjek sampoddla vo anik kitem tori bhulovpacheo gozali sangun kitlech zannank nagoileat. Amchea lokan chotur ravnk zai. Heam disamnim ani osleo gozali ganvam-ganvamnim ghoddloleo aikoleat. Konnakuch lagim dhorcho nhoi. Zaiteam zannanche hozaramnim duddu vheleat. Onollkhi monis khoro, punn to boltech toren ollokh dakhoita. Apun omkea-cho soiro, apunn tujea omkea-omkea mon’xak ollkhotam mhonn sangun fottoitat. Osleam mon’xank pulise kodde divche, ani pulisamnim lokachi surokxa korunk zai.
Santan Rodrigues,
Siole

Keri-Tirakol Pul Bandcho
M.S; Tirakol ganvantlea lokan Keri-Tirakol pul bandcho mhonn maglam. Ho ekuch vaddo Keriche Panchayaticho nodi poltoddi urta. He vatten bhovxik yeradari nam zavn lokak borech tras zatat. Hea lokak ekuch feribott asa. Tirakolchea lokak bazarak vochunk Peddnneam poros Maha-raxttrant odik lagim poddta. Sorkari kamam khatir ani bhurgeanchea xikxonna khatir Pedd-neam nam tor Mhapxeam yevchem poddta.
Dekhun Keri-Tirakol pul bandunk chodd gorjechem ani amche odhikari hem kam’ veginch kortole ani Tirakolchea lokak ek dennem koxem ho pul zatolo mhonn axa ballgitam.
Agnel de Souza,
Keri

V.Ixtt-ak Omrut Utsovachim porbim
M. S; V.Ixtt-achea fattlea ankar tumchem amon-tronn vachun ami chodd ani chodd khoxi zaleanv. Ek potr, odik korun Konknni potr 75 vorsam porian jivem urop mhollear ek vhoddlem ojapuch. Hanvuch zanno te pormannem Vavra-ddeancho Ixtt satollea vangdda ani tache uprant choltalim tim sogllim Konknni potram morot gelim; punn ho Vavra-ddeancho Ixtt aiz legit jivo urla. Nhoi anik kiteak bogor taka Povitr Sobhecheam Vhoddilan-cho axirvad asa ani atam itlim vorsam Pilar Sonvsthechea-i vhoddi-lamnim taka soglo tenko dila mhonn gomta. Devak argam ani tumkam sompadpeak ani adari vavurpeank toxench hanv mhojim porbim pattho-itam. Adlea kallar Gõychea Mha-Gonvlli Bapache-i sondex yetale mhonn mhaka ugddas asa; te Purtugez bhaxen astale punn tachem bhaxantor-ui ditale, konn Purtugez nokllo tankam vachunk sompem zata-lem. Atam oslem kaim yena zait ghoddie Diosezan Masik Renova-cao uzvadda yeta. Torui astanam Konknni potrak amchea Mha- Gonvlli Bapan kednam kednam-i aple sondex, Renovacao-cher porgott’tat te porian hea V.Ixtt-acher porgott korunk tannim dhaddlole zalear khup vachpean-chea faideak poddtolem aslem. Anik ek pavtt tumkam porbim ditam ani V. Ixtt sodanch jivo urcho mhunn mhojem nomr magnnem.
Joaquim Sequeira,
Mhapxem

V.Ixtt-ak Porbim ani dennim
M. S; V.Ixtt-a vorvim amkam Omrut Utsovachem amontronn pavlem. Amchem opurbayechem V. Ixtt potr 1944 vorsa thaun Pilar suru zalam mhonn hanv somzotalim. Tednam hanv lhan aslim, punn mhoji maim Vavraddeancho Ixtt hem char pananchem potr ghetali, ami tem sodanch vachtaleanv. Tacher zaite motte padri zaum dotor artig boroitale. Ami tor Purtugez noklo asleanv mhonntoch tem vach-pachem soddun Konknni asat teo khobro ruchin vachtaleanv. Hem ekuch Katolk potr amkam mantalem. Dusrim potram aslim punn ami titlim tim ghenasleanv.
Hea vorsa taka 75 vorsam bhortat mhonn aikun khoxalkai bhogli, kiteak fuddlea vorsa mhaka-i Devan dovorli zalear 75 vorsam bhortolim. Hem monant dhorun V.Ixtt-acho ani mhozo Omrut Utsov folladik zavnk 15 nove suskridor dhaddunk hanvem tharailam; nam tor mhoje thaim ghoddta te porim V.Ixtt-achea fundak mhajea hatantlean ful na paklli bhettoitolim. Tumkam borem magtam ani porbim ditam.
Candida Mendonsa,
Mumboi

Tuvem amkam adar bhasailoi mhonn tuka ami chodd ani chodd Dev Borem Korum mhonn-tanv. Khorench amkam tujeam osleam sohokareanchi chodd goroz. Tum Borem vachop vistarpi mhonnum yeta.- Sompadpi.

V.Ixtt dhor ghorabeant ascho
M. S; Hea vorsa V.Ixtt-ak 75 vorsam bhortat mhonn vachun mhaka vhodd khoxalkay bhogli. Ho Omrut Utsov bore manddavollin zavnk zai mhonn somiteo ghoddun haddleat mhonn tumkam xabaski. Fattleam vorsamnim hea satollean zaito boro vavr kela; sabar mhotvacheam vixoyancher uzvadd ghala. Fuddarak-ui tannem odik sudarnni korunk amchi vinonti. Povitr Sobhechea adaran amcheam firgo-zamnim V.Ixtt potrachim vorgonnidaram korunk vavurchem. V. Ixtt-ek katolkpotr dhor kristi ghorabeant aschem.Ho ek devachcoch axirvad zatolo.
Natividade de Sa,
Kankonna

Ixttak Porbim
M.S; Vavraddeancho Ixtt hem Konknnintlem satollem uzvadda yevnk laglear hea vorsa 75 vorsam bhortat, haka lagun jiv sontosta. Fattlim 75 vorsam hea satollean Kristi Loukikanchi zaiti axa puri kelea. Heram Inglez bhaxentlim potram amkam zaiteo khobro ditat, punn Kristi Dhorma-cheo khobro bhov thoddeo melltat. Vavraddeancho Ixtt potra vorvim zaiteo Kristi Dhormacheo khobro amkam melltat ani hea vorvim amchi tan ani bhuk bhagta. Fattlim panch vorsam zalim hanv vorgonni farik korun hem satollem chukoinastanam vachtam. Pri. Ave Maria Afonso hachem Dor Aitarachem Vachop mhaka Misak bore toren bhag gheunk khup faideak poddta. Kitlo thokos gheun Pri. Ave Maria bore toren xikovnn dita. Toxench, Dispottim Vachpam legit mhaka khub faideak poddta. Vauraddeancho Ixtt hea potra vorvim amkam bariksannen tsunamichea tufanam voir zaiti mahiti mell’li. Koxe toren Pilar Sonvstheche Yadnik bhav, ani her Sonvstha Andaman ani Nikobar Zuveancher kitlo boro vavr korta, tem Vavraddean-cho Ixtt potran kolloilem. Toxench, Kristi Dhormak lagu zateleo zaiteo boreo toxeoch vaitt khobro ani ami khuinchea panvddear asat tem-i gomun ailem.
Vavraddeancho Ixtt-acho vorosbhor 75 Vorsacho somarombh Devache yevzonne pormannem ghoddun yeunk amche anvdde ani otrek. Vavraddeancho Ixtt satollem aiz pasun jivall ani ruchik urunk zaiteanchem hat-bott laglelem asa, tankam mhozo salam ani porbim. Devan sogleancher upott axirvad ghalunk mhojim khaltim magnnim.
Evaristo Fernandes,
Merxe

Rosteancher obsoegachim mornnam
M.S; Disallea potrancher obsoegancheo khobro yetoch asat. Disantlean barik-motte kitlexech obsoeg ani sabar zannancho jiv vochop. Amcheam rosteancher obsoeg zaun kitloch lok morta. Motytoram-gaddyo choloitolea lokachea jivachi porva korinant. Rosteavele yeradariche kaide moddtat. Aplo jiv tosoch dusreacho jiv mhunn cholovpi somzonant. Osleank khast favo korchi, tanche porvanne kaddun ghev-che tednach ghoddie obsoeg unne zavpacho ek upai koso zait, oxem mhaka dista.
Peter Fernandes,
Kalangutt

Omrut Utsovachim porbim
M.S; Amchea Vav-raddeancho Ixtt satollea-cho Omrut Utsov suru kela mhonn potracher vachun mhaka vhodd khoxalkai bhogli. Adim V.Ixtt-acher zaitem boroup kortalom, punn atam bholaiki oskot zalea dekhun adle porim boroupak fattim poddtam mhonn dukh bhogta. He chitti udexim hanv mhojim un-unit porbim pattoitam ani V.Ixtt satolleak anik-ui fulvont ani follvont fuddar ami anvddetam.
J. E. Saldanha,
St. Estevam

Ho-i Romi lipyecho dusvas?
M. S; Fattlea Son’vara (Otubr 6ver, 2007), Ponnje Kala Akademychea vosreant ek dobazo zalo. Ho dobazo, Konknnintlo nanvosto boroupi Xri Ravindra Kelekar haka Sahitya Akademicho xrextt puroskar, Mana-chem Vangddiponn (Fellowship) bhettovpacho aslo. Hea dobajeachi khobor dusrea disa, (Otubrache 7ver) GT Weekender-achea 3rea panar chhapun haddlea. Te khobrent modinch khuim tori oxem mhonnlam - ‘Romiche fuddari Tomazinho Cardozo, Pri. Pratap Naik, Prince Jacob, Wilmix Wilson Mazarello he dobajeak hajir nasle tem spoxtt distalem.’ Mhaka khobor mell’lea te pormannem, hea doba-jeak hajir zaunk amchea Romintleam Dor Mhoineachi Rotti, V.Ixtt, Gulab, Goan Review, Jivit heam potram-masikan-cheam sompadpeank hea dobajea khatir amontronn naslem. Konknnicho itlo vhoddlo dobazo ani amcheam sompadpeank amontronn nam? Sahitya Akademichea nanvan Konknni Somiticho mukheli aslolea Xri Damodar Mauzo hannem tim amontronnam heam potram-masikank pavoupachim nhoi? Vo Xri Mauzo hannem Romicheam heam potram-masikank mud’dom add nodor kelea? Vo to hantuntlean apleak Romi lipyecho dusvas asa mhunn dakhoita kai? Fattim lipivad nirmann zalo tednam Mauzo “ami Devnagri ani Romi lipye modem kednach ontor korunk nam” oxem sangtalo. Zalear hi ontor koxi keli vo zali tor? Damodar Mauzo hannem he vixim aplem mhonn’nnem sangchem.
Peter Raimundo,
Velsanv
Porbim ani Dhin’vas
M.S: Tumkam ani ‘Vavra-ddeancho Ixtt-achea sogot boroupeank ani vavurpea-nk omrut utsova somoiar mhojim hun-hunit porbim ani dhinvas. Mhoje lekh il’le faideache zatat mhonn dusreamkoddlean aikun jivak il’lo sontos bhoglo. Hea disamnim mhoji dakhovnn ‘Tim sogllimek zaun” borounk suru kelea, taka lagun matxe ‘busy’ astolom hea khatir anik panch lekh dhaddun ditam.Borem magun.
Pri Nevel Gracias

V. Ixtt-ak mhozo nirop
M. S; V.Ixtt-achea Omrut Utsova (1932-2007) nimi-tan hanv Devak dhin’vas-tam, toxench soglleam sompadpeancho ugddas kortam. Odik korun zannim boro vavr kela tancho. Lhanuch astanam, hem satollem-potr hanvem vachunk suru kelem. Khub lekh Konknni ani Purtugez vibhagamnim hanvem boroileat. Pri. Crescencio Francisco Monteiro hannem mhaka Sallganvche Siminarint Konknni xikoilea. Hem xikop hanvem V.Ixtt-a vorvim chalu dovorlam. Osli mhoji soirigot hea satollea-potra kodde, dekhun aiz hanv khuxal. Vachpi dolleamnim tel ghalun V. Ixtt Sukrarak yetolo mhonn ravtat. Fuddarak V.Ixtt odik paleum ani folleum mhonn hanv ast ballgitam.
Pri. Ivo da Conceição Souza ,Moddganv .

Nollanchem udok ibadd zata!
M.S; Zaiteam bhovxik svatancher loka khatir udkache noll ghalele asat. Punn heam nollanchem udok vhanvot ravta tem pollevnk dukh dista. Thodde noll hollu-hollu ibadd zaleat tantlean udok vhanvun veta. Bhovxik Vavra Khatea-cheam odhikareamnim hacher aplem lokx ghalun tanchi durusti keleli zalear borem zatolem aslem. Oxem udok ibadd zavop mhollear bhovxik duddvancho ibadd. Kitlea lokak nollank sarkem udok mellonam mhonn sangtat, kaim zageancher noll vhanvtat tachi konnuch porva kori-nant. Konnem-i tori fuddem sorun sarke korche mhonn tancheam odhi-kareank mhoji vinonti.
Caetano Lopes ,
Divar

Hacher konnem lokx ghalchem?
M.S; Fattleam disamnim Zannteancho Dis monoilo ani hea nimitan zaiteo kariavolleo ghoddun haddleo. Zannteanchem mhotv kitlem vhoddlem tem amkam pottovn dilem. Majorda ganvantle xallent zannteam vixim ek nattkulem machier haddlem. Zaite pavtti bosimnim provas kortana zannteank bosunk porian zago mellonam, bhurgim legit svat dinant tem pollevn dukh dista. Sorkaran bailank ani zannteank mhonn boska rakhun dovorleat astanam porian tankam bosunk mellonam. Kolejichim ani iskolanchim bhurgim zannteanchi porva korina-nt; tankam xikov-peam-nim zannteanchi seva korunk xikovchem. To-xench opangullank bo-simnim provas kortanam tras zatat. Hacher konn lokx ghaltolo?
Diogo M. Fernandes,
Mhapxeam

Dollar, Euro dakhovn nagoitat
M.S; Adim daram, zonelam foddun chor bhitor sortale, punn atam choramnim bori hikmot kaddlea. Lokak bhou korun duddvanchi axa kortoleank fon korun apunn vo aplo ixtt gorjek sampoddla taka ek lak, don lak rupianchi goroz asa, to vimantollar ravta apunn tujem rinn dollaramnim vo Euronim farik kortam. Osleo sangnneo aikun padri amche fosleat toxench her-ui lok fosla mhonn potrancher gazlam. Osleam fosovnneank sampddonam zaunk chotrai dhorchi. Subez duddu melltole mhonn dilele poixe mudlache-i choran vhele.
Hea kallar konnech fosounk divchem nhoi. Asa titleanuch dhadoxi zalear borem. Gõyant dubavi monis zaite bhitor sorlole asat. Pulisen chotur ravpachi goroz. Gõykarancho jiv atanchea kallar riskar asa mhollear fott zavchi nam.
Pedrinho Fernandes,
Kalangutt

Omrut Utsovachim V.Ixtt-ak porbim
M. S; V.Ixtt-a satolleacho hea vorsa Omrut Utsov zata mhonn amkam vhodd khoxalkai bhogta dekhun ami Pilarche Sonvsthek ani tumkam porbim ditanv. Hem potr samballunk ani tem toyar korunk zaite tras ghetat. Ganv-ganvchi itihasik lekh-ui tumi borovche ani misanvanchea kamant bhitor sorunk urba divchi.
Natividade de Sa,
Kankonn

Chor bhonvtat, chotray dhorat
M.S; Heam disamnim zaiteam zannank xiklo-leank porian farik kortanam subej duddu dita mhonn sangun duddu ghevn fottoileat. Konnak-ui duddu divnk fuddem sorum nakat ani axek lagun tanchea fasak poddum nakat. Duddu zoddpachi soglleankuch axa. Vollkhi bhaileank kitlem-i borem sanglear legit lagim dhorinakat.
Jeremias Castelino,
Saliganv

Gunnest Pri. Moreno D’Souza
Iadnik Bhav Moreno D’Souza Otubrache 14ver Devachea Gopant gelo. Ek boro huxar Iadnik, Konknni mogi ani Devachea mogan poddlolo Iadnik Gõyche Povitr Sobhek unno zalo mhunn sonvsari nodren dukh bhogta ani Bhavartache nodren sontos bhogta. Kiteak Iadnik bhavacho otmo Devachea gopant gelo. Ek sado, gunnest, Dev-bhirantecho Iadnik mhunn tannem soglle suvater nanv zoddlam. Tachim provochonam (sermons) disa-dispottim jivitak lagta tache vixim astalem ani aikotoleank sorgar asa koxem distalem. Lhan utrancho ani peleache sevecho Iadnik to aslo. Kitem-i vaitt dislear tonddar sangpi, monant vo kallzant kainch dovrinam toslo iadnik to aslo. Dor Mhoineachi Rotti hea mhoineallea masike-cho (monthly magazine) to zaito kall sompadok aslo ani tem masik jivall dovrunk zaite tras tannem ghetle. Vavraddeancho Ixtt, Renovacao, Gulab osleam Povitr Sobhe-cheam Potra-masikan-cher to aple zaite borem boroit aslo. Zaitea Kristi Dhormachea jivita vixim to son’xodhan (research) kortalo ani boroitalo. Gõycheam firgozam, kopelam vixim legit tannem zaitim pustokam boroileant ani Povitr Sobhek zaite torecho adar ani sohokar dila. Romi ani Devonagori lipyent tannem zaiteo Konknni pustokam boroileant. Gõyant kitem-i vaitt borem zalem zalear aplem mon to rokddoch borovpantlean ugtem kortalo. Aplea borovpa udexim to soglleank thottak kortalo ani xabaski zoddun ghetalo. To boreantlo boro Konknni boroinnar aslo. Zoxem inglixent ek mhonn’nni asa - Pen is mightier than Sword.
Devan taka zaitea gunna-mnim bhorlolo ani he gunn tannem vevha-rant ghalunk zaite proytn kele. Devan tache sarke zaite gunnest Iadnik Povitr So-bhek favo korunk ani Iadnik Morenak sasnna-cho mukutt favo zavnk amchim khaltim magnnim.
Evaristo Fernandes,
Merces, St-Cruz

Call Centre poixe dita, punn bholaiki khata!
M.S; Aiz zaitinch amchim tornnatim call centre-amnim nokri korunk umedin dhanvtat. Kitlinch Gõychim chedde-cheddvam Mumboint, Bengllurant dhanvleant, kiteak 20-25 hozar pagar mellta. Oi, poixeanchi sogttankuch as.
Punn atam voizamnim topasnni korun sangun dilam ratchem kam’ korop ani nhid foddop bholaikek faideak poddonam. Bhurgechponnar diabet vo goddea-mutachi pidda vo veginch kens piktat - hachem karonn heo rati foddop. Devan ani soim-ban amkam te-te bhaxen gunn dileat. Rat mon’xak visov ghevnk kelea. Disacho nhidlo zalear mon’xachi soimbachi odd moddonam. Dr. Anoop Mishra, ek Padma Shree puroskar ghevpi voiz mhonnta, osleam mon’-xank kallzachi pidda vo atak zavnk odik sondi asta.
Tornnateamnim xittuk zavnk goroz. Poixe komaile, punn bholaiki ibaddli zalear fuddar kainch boro zavcho nam.
Fatima Barreto,
Divchole

Shuttle bosi kiteak xelleleat
M.S; Kadamban Moddganv-Ponnje,Vasku- Ponnje shuttle bosi suru keleo tednam chalteam lokank vhodd sompeponn meulem. Team bosimnim rig korunk chodd umed distali ani lok fattafatt aplea thikannar pavtalo. Sogott heam bosink lagon sorkarank xabaski ditalo.
Tea fuddem tiketti kaddunk zobor lutt-khett asta ani aiz tikett mellonk borench avgodd poddta.
Kadambache odhikari khoim te lipleat vo nhidleat kai? Lokank osle tras zatat ani tancho usko kortolo konn nam?
Maria Novais,
Vhoddlem Gõy

Prem Kumarak omor korcho!
M.S; Aichea somazant ani amchea Gõyant ekdom tiatrist choddleat ani vaddleat. Bhou thoddi kola aslele kolakar legun tiatr boroitat ani Director mhonn chhati fuloitat. Ek 9vea vorgant xikop kortolo pott’to aple avoik sangtalo - “Maim hanv xalla soddtam, tiatr boroitam ani poixe komaitam”.
Ek mat khorem: Prem Kumar motte vidyecho ani machier noveponn rochtalo tiatrist aslo. Tannem jerul tiatrachea mollar ek novo avesvor ugoddlo.
Kaim pavtti amcheam sorkari odhikareanchi nodor fokot bomble sokol. Borem, novem rochtoleank voir kaddunk te visortat. V.Ixtt-ache Otubrache 20ver, “Prem Kumarak mhozo salam” – hea lekhant taka vell kaddinastanam bhovman divcho mhonn sorkarak ulo korta. Hem khorem! Porjecho Sorkar porjek khoxal kortolem kam’ korunk toyar astoloch!
Jil Fernandes,
Borivali

Konknnichi Romi lipi ekrup kednam zatoli?
M.S; Francisco de Souza hannem V.Ixtt (ank 22-9-07) hacher aileli chitt apnnem chotrayen vachlea mhonnlam mhunn taka dhin’vas. De Souza-bab tujea borovpant ‘hache vixim amcheam zannkaramnim... Amcheam.... hem koslem veakoronn?
Omor ugddasacho Lourdino A. Rodrigues hannem Gulab masikacher (1993 tem 1994) ani V.Ixtt-acher veakoronna vixim kelelim borovpam vach’chim.Toxench, 1987-2003 meren V. Ixtt, Gulab, Novem Goem hancher hanvem kelelim veakoronna vixinchim borovpam vach’chim ani xikchim. Soglleam porxnancheo thoim zapo melltat.
J. E. Saldano.

Porbim ani Xabaski V.Ixtt-ak
M. S; Fattlea V.Ixtt-ar fuddlea panar tumi, amchea mannkulea V. Ixtt potracho Omrut Utsov somarombhtat mhonn fuddlea panacher amontronn dhaddlam tem ami vachlem ani vhodd khoxalkay bhogli. Hanv bhurgeponnar thaun Vavraddeancho Ixtt vachit ailam. Khorench ek potr odik korun amchim Katolk toxench Konknni potram cholovnk borench kottin zata, tankam advertisement mellonant, te tor mell’lole zalear adar zatolo aslo. Amche Gõykar porian Konknni potram soddun Inglez potrancher aple advertisement porgott’tat. Tiatrist porian Inglez potrancher ghaltat; oxem kelear Konknni potr koxem jivem urum yeta.
Xabaski tumkam ani Pilarche Sonvsthek, ti apleam vangddeam vorvim V.Ixtt potr samballta. Amchim tumkam porbim.
Caridade de Souza,
Saliganv

Lokak fottoun duddu ghetat
M. S; Thodde chor daram foddun bhitor sortat ani chorun vhortat ani kaim chor ratche nam tor disache atak korun chortat. Punn atam onek toreche chor amche modem ubzoleat, te bore nhesun yetat ani apunn gorjek sampoddla vo anik kitem tori bhulovpacheo gozali sangun kitlech zannank nagoileat. Amchea lokan chotur ravnk zai. Heam disamnim ani osleo gozali ganvam-ganvamnim ghoddloleo aikoleat. Konnakuch lagim dhorcho nhoi. Zaiteam zannanche hozaramnim duddu vheleat. Onollkhi monis khoro, punn to boltech toren ollokh dakhoita. Apun omkea-cho soiro, apunn tujea omkea-omkea mon’xak ollkhotam mhonn sangun fottoitat. Osleam mon’xank pulise kodde divche, ani pulisamnim lokachi surokxa korunk zai.
Santan Rodrigues,
Siole

Keri-Tirakol Pul Bandcho
M.S; Tirakol ganvantlea lokan Keri-Tirakol pul bandcho mhonn maglam. Ho ekuch vaddo Keriche Panchayaticho nodi poltoddi urta. He vatten bhovxik yeradari nam zavn lokak borech tras zatat. Hea lokak ekuch feribott asa. Tirakolchea lokak bazarak vochunk Peddnneam poros Maha-raxttrant odik lagim poddta. Sorkari kamam khatir ani bhurgeanchea xikxonna khatir Pedd-neam nam tor Mhapxeam yevchem poddta.
Dekhun Keri-Tirakol pul bandunk chodd gorjechem ani amche odhikari hem kam’ veginch kortole ani Tirakolchea lokak ek dennem koxem ho pul zatolo mhonn axa ballgitam.
Agnel de Souza,
Keri

V.Ixtt-ak Omrut Utsovachim porbim
M. S; V.Ixtt-achea fattlea ankar tumchem amon-tronn vachun ami chodd ani chodd khoxi zaleanv. Ek potr, odik korun Konknni potr 75 vorsam porian jivem urop mhollear ek vhoddlem ojapuch. Hanvuch zanno te pormannem Vavra-ddeancho Ixtt satollea vangdda ani tache uprant choltalim tim sogllim Konknni potram morot gelim; punn ho Vavra-ddeancho Ixtt aiz legit jivo urla. Nhoi anik kiteak bogor taka Povitr Sobhecheam Vhoddilan-cho axirvad asa ani atam itlim vorsam Pilar Sonvsthechea-i vhoddi-lamnim taka soglo tenko dila mhonn gomta. Devak argam ani tumkam sompadpeak ani adari vavurpeank toxench hanv mhojim porbim pattho-itam. Adlea kallar Gõychea Mha-Gonvlli Bapache-i sondex yetale mhonn mhaka ugddas asa; te Purtugez bhaxen astale punn tachem bhaxantor-ui ditale, konn Purtugez nokllo tankam vachunk sompem zata-lem. Atam oslem kaim yena zait ghoddie Diosezan Masik Renova-cao uzvadda yeta. Torui astanam Konknni potrak amchea Mha- Gonvlli Bapan kednam kednam-i aple sondex, Renovacao-cher porgott’tat te porian hea V.Ixtt-acher porgott korunk tannim dhaddlole zalear khup vachpean-chea faideak poddtolem aslem. Anik ek pavtt tumkam porbim ditam ani V. Ixtt sodanch jivo urcho mhunn mhojem nomr magnnem.
Joaquim Sequeira,
Mhapxem

V.Ixtt-ak Porbim ani dennim
M. S; V.Ixtt-a vorvim amkam Omrut Utsovachem amontronn pavlem. Amchem opurbayechem V. Ixtt potr 1944 vorsa thaun Pilar suru zalam mhonn hanv somzotalim. Tednam hanv lhan aslim, punn mhoji maim Vavraddeancho Ixtt hem char pananchem potr ghetali, ami tem sodanch vachtaleanv. Tacher zaite motte padri zaum dotor artig boroitale. Ami tor Purtugez noklo asleanv mhonntoch tem vach-pachem soddun Konknni asat teo khobro ruchin vachtaleanv. Hem ekuch Katolk potr amkam mantalem. Dusrim potram aslim punn ami titlim tim ghenasleanv.
Hea vorsa taka 75 vorsam bhortat mhonn aikun khoxalkai bhogli, kiteak fuddlea vorsa mhaka-i Devan dovorli zalear 75 vorsam bhortolim. Hem monant dhorun V.Ixtt-acho ani mhozo Omrut Utsov folladik zavnk 15 nove suskridor dhaddunk hanvem tharailam; nam tor mhoje thaim ghoddta te porim V.Ixtt-achea fundak mhajea hatantlean ful na paklli bhettoitolim. Tumkam borem magtam ani porbim ditam.
Candida Mendonsa,
Mumboi

Tuvem amkam adar bhasailoi mhonn tuka ami chodd ani chodd Dev Borem Korum mhonn-tanv. Khorench amkam tujeam osleam sohokareanchi chodd goroz. Tum Borem vachop vistarpi mhonnum yeta.- Sompadpi.

____________Recently, the topic on the delayed canonization of the Blessed Fr. Joseph
Vaz has suddenly gained momentum on Goanet Forum. While various people have
shared their different views on the issue, here is my share – a Konkani
“Kantar-Mando” on the Blessed Fr. Joseph Vaz:

Kantar

PADR JUZE VAZ

Lyrics: Fr. Jose A. Da Costa
Music: Agostinho Da Cruz

Padri Juze Vazu amcho
Apostl tum re Indie-Ceilanvancho
Padri Juze Vazu amcho
Apostl tum re Indie-Ceilanvancho

Pattlav kelo re Jezucho
Aiz Patron tum amchea Goenkarancho
Pattlav kelo re Jezucho
Aiz Patron tum amchea Goenkarancho

Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo

Khandar marun gorib pottli
Vattu dhorli poi Ceilanvanchi
Khandar marun gorib pottli
Vattu dhorli poi Ceilanvanchi

Dorieant nustim khoxen nachlim
Mollbar taram uzvaddanim bhorlim
Dorieant nustim khoxen nachlim
Mollbar taram uzvaddanim bhorlim

Tarum udkan ufetanam
Boddve kortale gaionam
Tarum udkan ufetanam
Boddve kortale gaionam
Tarum udkan ufetanam
Boddve kortale gaionam
Tarum udkan ufetanam
Boddve kortale gaionam

Dusreai dhormank mandun ghetle
Patke-Kristi zome tuvem ghoddle
Dusreai dhormank mandun ghetle
Patke-Kristi zome tuvem ghoddle

Don xekd’de adim re kel’lem
Povitr sobhen porjek aiz porgottlem
Don xekd’de adim re kel’lem
Povitr sobhen porjek aiz porgottlem

Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo
Tancho bhesu tuvem ghetlo
Tancheach bhaxen dhormui porgottlo

Mando

Padri Juze Vazu, amgelo Ceilanvkaru zalo
Bhasui tanchi, bhesui tancho, mogall irmanv zalo
Padri Juze Vazu, amgelo Ceilanvkaru zalo
Bhasui tanchi, bhesui tancho, mogall irmanv zalo

Girest dublleank adhar to zalo, lungi nhestalo
Povitr pustok Singhale bhaxen, soglleank xinkoitalo
Girest dublleank adhar to zalo, lungi nhestalo
Povitr pustok Singhale bhaxen, soglleank xinkoitalo

Pidda aili osgachi, uel zali lokachi
Polas soddun, ganvui sandun, razan pollapoll kaddli
Pidda aili osgachi, uel zali lokachi
Polas soddun, ganvui sandun, razan pollapoll kaddli

Padr Vaz bobek pavlo, tankam doiea ditalo
Ekttaim korun, ilaz divun, bore bore kortalo
Padr Vaz bobek pavlo, tankam doiea ditalo
Ekttaim korun, ilaz divun, bore bore kortalo

Zaito tempu, Ceilanvantu pavsu poddonam
Xetam korpolint, zaddam bavolint, raza re dukan
Zaito tempu, Ceilanvantu pavsu poddonam
Xetam korpolint, zaddam bavolint, raza re dukan

Patxaianu apovnk daddlo Goenchea Juzeko
Altar bandun mis mhunttannam, pavsa gosgosso
Patxaianu apovnk daddlo Goenchea Juzeko
Altar bandun mis mhunttannam, pavsa gosgosso

Hem novol kossol’lem saiba
Deki naslolem munga
Hem novol kossol’lem saiba
Deki naslolem munga

Pormoll mogreancho, domdom zaieancho
Soglle uttun nachumiea ami, vazoumiea rebeko
Pormoll mogreancho, domdom zaieancho
Soglle uttun nachumiea ami vazoumiea rebeko

Kud’de polletat, bhere aikokat
Dotor ojeaptat, kudd nastannam kosmik zolmu ditat
Kud’de polletat, bhere aikokat
Dotor ojeaptat, kudd nastannam kosmik zolmu ditat

Kaiborem tujem sarkem nitoll nirmollu
Pap Saib dekun ievun taka kelo bhagivontu
Kaiborem tujem sarkem nitoll nirmollu
Pap Saib dekun ievun taka kelo bhagivontu

Goenkarani soglle ekttaim zavumiea
Padr Juzechi dekh ghevun mogan jivumiea
Goenkarani soglle ekttaim zavumiea
Padr Juzechi dekh ghevun mogan jivumiea

Iea- iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea Goyeam, Goyeam, Goyeam, Goyeam iea
Iea-iea Goyeam iea
Iea-iea Goyeam iea
Iea-iea, Goyeam, Goyeam, Goyeam, Goyeam iea

Let us continue to pray for the early canonization of our Blessed Fr. Joseph
Vaz.

>From Dom’s antique shelf!

Moi-mogan,
Domnic Fernandes
Anjuna/Dhahran, KSA

Siminarint xikpeank xabaski
M.S; Tumchea ani amchea V.Ixtt potrar Pilarche Siminariche xikpi pan toyar kortat tem ami vachtanv. Tancheam vhoddilamnim tankam oxench borovpak ut’tejon ani margdorxon dilear borench faideachem. Inglezintlean boroitat toxench tannim Konknnit-ui borovchem mhonn amchi vinonti. Adlea kallar Pri. Jeronimo Pereira sompadpi astana Siminaristuch V.Ixtt-acher zaitench boroitale tem hanv zannom. Il’lem- il’lem borovn xikunk pavtat. Thodde bhurge borovpachi sonvoim korinant, Raiturche Siminarist-ui Konknnint ani Inglezint-ui zaitem boroitat, tankam-i he chittintlean porbim ani xabaski ditam.
Joao da Costa,
Bengllur

Uchambollai korchi nhoi
M. S; Amchem adim xant aslem ani xantponnim lok jiyetalo, konnachich konnak bhirant disonasli. Punn atam khuinchea vellar kitem zait ani konn kitem korit tem sangunk zainam. Sorkar kosle-i prokolp vo karkhanne ubarta vo kosleo-i yev-zonneo haddta ani taka lok virodh korta, ani rokddech kaido-i bi aplea hatant ghetat. Proxn poile xikat, bhasabhas korat. SEZ yevzonnecho Act asa tacheo kopi lokak diat vo ugteo dovrat, fottovpa-chem korum nakat.
Diogo Fernandes,
Moira

Xabas Kamatbab!
M.S;Vell khupuch lailo khoro, punn Gõykaran-chea virodhak man divn xekim Mukhel Montri Xri Digambar Kamat-baban Khas Arthik Vibhag-Special Economic Zone rod’d korpak tharailem. Torui astana thodde amche montri ani amdar asat, tankam SEZ Gõyant aslolem zai. SEZ aslear Gõyant faideachem mhonn sangunk sodtat. Sadea ani nennar Gõykarank teo fottounk vavurtat apleo naddbuddi choloitat. Udeogpotink te fuslaitat. Khorem mhollear he amdar ani uprant montri zatat te nagrikanche khore ghatki, ‘Ghat peleak; sontos apleak’ osli tanchi pod’dot. He pod’dotin te az Vidhan Sobhent bosun aplim ghoram bhortat ani girestkay vaddoitat.
Dusri gozal mhollear jem kendr sorkaran “notify” matxem kotthin punn Gõychea sorkaran SEZ-a vixim oddchonneo kendrak dakhoileat, teo kendr sorkar mandun ghetolo mhonn khatri asa. Punn amche kole (amdar) naddbudi korunk xoktat. Dekhun amchea niz Gõykar fuddareamnim chotrai dhorchi. Zaite pavtti xet vompun xetkar ghora ailea uprant dusmanan xetant ner vomplo oxem zavnk favonam. Nadd-budinche fuddari chodd uprasleat. Koleache budin soglim naddponnam kortat Gõykarank soglleam vattamnim fottoileat. SEZ Gõyant haddunk sodtole Gõykaranchea mogan nhoi, punn aplea faidea khatir. Chotrai dhorat!
A. Miranda, Aldona.

Pilarchea tiskear traffic island gorjechem
M.S; Halincheam vorsamnim Gõycheam rosteancher dispotte obsoeg zavnk lagleat, kitlo lok mela ani kitlech zann zokhmi zavn anturnar poddlole asat. Pilarchea tiskear traffic island vo speed-braker chodd gorjechem. Tea rostear eka vellar kitem zait tem somzonam. Ek pavtt Pilarcho padri aple vattentlean bosik yevnk rosto pas kortalo, tacher motor-saikol marli ani to poddlo, toxench onek pavtt Pilarche Igorjent Mis zavn ghora vochunk rostear bosik yetalo, taka-i tosoch obsoeg zalo. Atam tea rostear borich traffik vaddlea ani vaddot asa. Dekhun thoim `traffic island’ ghalop chodd gorjechem. Tea motdar-songhachea amdar Fracisco Silveiran hacher nodor ghalchi hem kam’ veginch korchem. Fattlea vorsa poros hea vorsa rosteancher obsoeg vaddun geleat ani hachem karonn mhollear motoram, motor-saikoli rosten choloitat, vatten choltoleachi porva korinant. Evropachea ganvamnim rostear choltoleak poilo pasar zavnk ditat tem hanvem pollelam. He obsoeg zavpache vattavnk upay ghevche.
Meldrin D’Cruz, Kitula.

Romi masikam bond korpak naddbudi kiteak?
M.S; Purtugez kallar eka vellar Konknni bhaxecher marekar kall upraslo. Ticho dusman voir sorun Gõyantli Konknni nopoit korpacho nett dhorlo, tednam khup luskonn zalem khorem, torui loka modli Konknni nam korpak ghoddlem nam. Atam amchech modle bhaxeche lipicho vad ghevn zhuz choloitat. Hem zhuz konnacheach faideachem nhoi punn sogleank luskonnan ghalpachem mhonn hanv somzotam. Fattlea xekddeant thaun Romi lipyen kitlinch Konknni potram ailim ani gelim. Konknni mogiamnim tim vhoddle umedin suru kel’lim punn tankam duddvancho palov vo konnachoch adar nam zavn tim morun gelim.
Tednacho kall khup vegllo aslo. Pollevnk gelear adim ani atam zaitench veglleponn disun yeta. Gulab-a sarkem masik bond zavop vo korop mhonnlear dubavachem kortub hanvem mhonnlem zalear konnak vaitt disunk favonam. Dhunvor voir sorta to polletoch khoim tori uzo pettla mhonn somzum yeta. Voir sortolo ho dhunvor mhojeanuch nhoi tor konnacheanuch damun dovrunk zainam.
Hem hanv borounk pavlom, jednam 25 vorsancho Gulab masik bond zata mhonn aikotanch Konknni vachpeank dhoko boslo. Mhaka-i ojap dislem. Fausto Costa-bab Konknnicho okhondd mogi oxem korunk divpachoch nhoi mhonn mhaka khatri asa. Mhozo padri ixtt sorgest Freddy Costa krutt legun dilear apunn jivo astanam apnnem suru kel’lem masik bond kortolo-xem disonam.
Oso dubav lagta, ki hea masikacher lipi-vadacho bi ddobhav poddunk na mum? Oxem-i zaum-ie Gulab toyar korpak Fausto babak dor mhoineak Mumboi thaun Gõyant yevpache tras poddtat nhoi? Vo her-ui khasgi proxn uprastat zaum-ie. Kitem-i zaum, 26 vorsam hea masikan itlo boro vavr kel’lo to atam nirfolli kiteak zavcho?
Vincent Carvalho,
Mumbai.

Pilar traffic island ghalat
M.S; Pilarchea guddear sokol tiskear dor Brestara chodd gorddi zata ani lokak rosto pasar korunk borench avgodd zata. Yeradari chodduch vaddlea dekhun tea tiskear traffic island ghalunk zai. Hem kam’ Amdar Francisco Silveiran kelearuch tem zatolem. Zaite pavtti hi suchovnni heach potrar ailea punn konnench kan halounk nant, atam tori fuddem sorchem.
John Serrao, Navele.
Vachpi Boroitat

Pulisanchea vavrak xabaski
M.S; Fattleam disamnim Kandollechea ganvant kalliz futt’ta tosli ghoddnni ghoddli. Ratchea vellar 9.15 vaztam dog zann tonddak mohim ghalun fattlea darantlean bhitor sorun ghorantle zannteleche hat-paim bandun 18 mhoineachea bhurgeak gheun pollun gelim. Bhurgem zai zalear 50 lakh rupia duddu divche mhonn tannim ek ‘note’ dovorlo. Bhurgeachi sodpus korunk pulisamnim khottpott suru kelo ani bhurgem Agra sampoddlem. Pulisen kel’lea borea vavrak lagun xabaski favo. Inamam ani puroskar gheupak nhoi punn ap-aple zababdaren kam’ korpacho hetu asunk zai. Gõyant zaiteoch vaitt ghoddnneo zaunk lagleat. Vaitt sobhavche monis Gõyant rigleat, choryo, khun korit asat. Tea bhair talim ugoddpache upai choranchea hatant asat, te vaprun chor lokachim ghoram chortat. Hanche vixim pulisen zagrut asunk chodd goroz. Lokan-ui ratchich nhoi, disa-uzvadda porian daram bond korun ravlear borem vollkhonaslolea mon’xank patiyeunk favonam. Oslo marekar vell Gõyant aila. Adim lok xant aslo, to kall somplo.
Victoria D’Souza,
Moira

Dabolle vimantollar ekuch nhoi, atam 37 vimanam denvtat
M.S; 1961 vorsa Dabolle vimantollar ekuch viman denvtalem, punn az disak 37 vimanam denvtat, ekannech lutt zata. “Amchea Gõychem vimantoll, Londonchea Heathrow porim chodd busy zalam” ek Hans-acho odhikari mhonnta. Dha dis adim amchem viman Mumbai thaun denvlem ani 20 minut bhair ravlem kiteak anik 4 vimanam thoim aslim. Heo lutti-fetti vaddot vetoleoch. Tech khatir anik ek novem vimantoll gorjechench.“Operation Vijay”, Gõyche suttkechi loddai zali te meren Dabolle vimantoll Navy-chea hatant poddlem. Atam tankam Karvar dhaddunk ani Dabole vimantoll civilian korunk onek zannachem mot asa. Ghoddot hem? Nam-xem dista. Navyn 13 kotti khorchun halinch run away viman denvtolo rosto vaddoila. Murganvcho dhoko lagim asa dekhun oslem sompeponn tankam gorjechem. Survatek 1960 tem az legun pollelear 75 hozar kottincho khorch kela ani Dabolle vimantoll onek toren sudrailam ani Navychea faideak upkarta toxem kelam. Karvarchi Seabird Base dhaktti ani Navyk ti faideak poddpachi nhoi, kiteak vorixtt vimanam thoim denvonk kednanch zaun-chem nam. Tech khatir Mopa vimantoll kelear ani Dabolle ani Mopa don Vimantollam choloilear khorench soglleank faideak poddtolem-xem dista
Socorro Fernandes,
Vhoddlem Gõy

Romi masikam bond korpak naddbudi kiteak?
M. S; Voilea mathallea khal tumi (12 Janer, 2008) ek chitt uzvaddailea, Mumboichea Vincent Carvalho mhonnloleachi. Gulab bond poddpachi khobor kortanam, borovpean ek nibôr arop kela: Fadar Freddy Costa krutt legun dilear apnnem suru kel’lem masik bond korcho naslo; punn hem atam Fausto Costa bab korta. Mhonnche Gulab bond korche khatir Fausto baban krutt rupia ghetleat. Gulab-acher lipivadacho ddobav bi poddunk nam mum, oso-i dubav taka lagta khoim. Mhonnche, konnem Nagrivalean ho ddobav haddla ani krutt rupia dileat, oxem to sangunk sodta, nhoi? Jea panar hi chitt chhapun ailea tacho mathallo asa:‘AMCHEM DHORONN TUMCHE VICHAR.’ Mhonnche he chittint je vichar manddleat te tumchea dhoronnant bostat. Oxem nhoi, zalear koxem? Xembhor rupia dan korche adim ek monis tatuntlean apnnak kitlo faido zatolo – hea jivitant nhoi zalear melea uprant tori – hacher hozar pavtti vichar korta. Mhonntoch, Gulab bond korun konnak kruttamni faido zavcho asa, ki te khatir to krutt rupia moddunk raji astolo? Ti chitt uzvaddavche adim tumi hacher vichar kela astoloch!
Gulab bond uddovpa-che proyotn korpeam modem je asat te dusre konnuch nhoi punn “Romi Konknni”che apunn okhondd khambe mhunn mirovpi, aple morjentlea nemalleam khatir sorkari jahirati ektthavpi ani hea vadantlean aploch porxim faido korun ghevpi, amchech monis asat. Oddechim nanvam vaprun, Nagrivaleanchea nanvan bottam moddun, te apunn sav mhunn dakhounk sodtat. Tannim sorkari khateantlea “Romivalea” Opxalank uskaileat ani tanche vorvim jahiratim khatir Gulab-ak vollvollaila. Xannea vachpeank nanvam sangpachi goroz nam ani herank tim sangon-ui upêg nam. He mhoje vichar tumchea dhoronnant bostole mhunn patiyeun ravtam.
S. M. Borges, Vell’lle

Kazar zatoleank akarnni gorjechi
M.S; Koslea-i kama khatir training chukoina-stanam kelea bogor konnuch ravonam. Punn kazari jivitant bhitor sortanam akarnni korunk zaite pavtti nhovrea- hoklank avgodd lagta. Nhovre zaite pavtti Galfant thaun yetoch tankam soiriko zatat vo mogan-ui aslear gorjechi akarnni korinastanam kazar zau-nk sodtat. Padr Vigarank zaite pavtti fottovn vegim kazar kortat. Hea fottin-cho probhav uprant tanka-nch bhogcho poddta. Oxem zaiteam zannank bhoglam. Gõyant Kuttu-mb Seva Kendr asa, thoim kazarachea jivita vixim xikovnn ditat, jivitbhor ekameka kodde sosnni-kayen, mogan, ekvottan jiyeunk xikoitat. Hi xikovnn ani akarnni kazar zatolea nhovrea hoklank kitli gorjechi tem tankanch uprant kollun yeta. Dekhun kazar zato-leamnim kazarachi akarnni chukoinastanam korchi.
Silvia de Souza,
Aldona

Cheddvamnim xidduk ravchem!
M.S; Gõycho lok man-respetan cholpi mhonn amger ailele bhonvddekar tokhnnai kortat. Punn atam portench ghodd-lolem ami polletanv. Eka tornnatean eke ostorek motto lojecho ghat kelo, aple motor-saikolir bosoun eksure svater vhorun tichi moriad ibaddli. Ho lojecho oprad soglleam ostoreancher.
Dadlea mon’xa bhitor animal instinct lipun asta. Apli lingi-bhogachi tan-bhuk marunk to eka vellar zon’vara porim zaunk pavta. Dekhun ek bapui porian kudd’do koso zaun, aplech dhuvecher legun opradh korunk xokta. Hech khatir cheddvan ani ostoren chodd xidduk asunk zai. Jea mon’xacher visvas dovortat to khoroch visvasacho zalear zalear topasunk goroz. Fukott mellta mhonn ti porki ostori tea dadleache motor-saikolir geli ani apleacher opradh korunk vollkhi bhailea dadleak sondi dili. Soimbinch ostori chotur asta. Konnak patiyeun-chem vo nam tem apxinch tankam kollta. Mon’xa thaim sixth sense asa to zannvayen paim ghalcho vo fattim gheuncho tem mon’xak dakhoita.
Fatima Barreto, Divchole